ديوان الشاعر(بخيتان البشري)

تعال باوسدك يدي = واشرح غرام المودة كيف
وإن كان خدك لمس خدي = طاب الهنا واستلذ الكيف

يالليل 0 ليل السعد وينه = كل ما اسألك قلت لي بعدين
مدري متى ينعرف حينه = للي معك ما عرف لا وين

احرمت عينك منام الليل = اسهرتها والعباد رقود
خوفي همومك تهد الحيل = اللي بها الصادرات ورود

الهرج طولتّ مشواره = والحكي خيره ما قل ودل
ابعد نصيحه عن اشواره = هذاك 0 وإن ماتبيها خل

كل مالقينا خطوط العرض = متعارضه مع خطوط الطول
عِدنا القياسات طول وعرض = وليا انها من جهتك تطول

بالمستوى كامل الدوره = ابدع وقالت وكالة واس
الأفضل بفكره ودوره =وخوض النهائي عليه يقاس
ومن كورة اقدام معذوره = جابت هدف بأفضل الحراس
اخطا في تشتيتها الكوره = وفاز الخصم والفريق انحاس
ياهل ترى كيف جمهوره = يبررون الخطا للناس
ام تصبح ارواح مقهوره = بالظن والشك والوسواس

قلبي والايام قفتبه = من يوم قفيت عن شوفي
واعلم ترى كان ماجتبه = احرق ضنى بعدكم جوفي

مبعد عن عيون خلق الله = اللي تجيب النكد والهم
في أُنس إن سلتني والله = ماشي مثيله في كيف وكم

لك المعاني ومن اجلك = وماغيرنا ناس فهموها
تبقى حروفي تعبر لك = لو المخاليق قريوها

لج النداء والصياح ابكم = خلا عيون الكفيف تصيح
ماشافت المنظر المؤلم = اللي عليه الدموع تطيح