ديوان الشاعر ( حفيد الحجيري )

صقر المراقيب=
للحرف جدنا وطوعنا=واحنا عن الذارب انصونه
اما نجيبه على معنى=ولاّ نجنّب عن الحونه

الحجيري=
حرفك يابو عبيد يمتعنا=كالطير يشدا على غصونه
يا حيّ بك حرف يجمعنا=لا صار ثابي على ركونه

الحجيري=
يا مهندس القاف يا محمد=سلام من هاجسن محتار
بين المواصل وبين الصد=شعره تحت رحمة البتار
محمد سعد=
لا يا حفيد الشعر ياعد=ترحيب من قلب ما يحتار
الشعر ما بين صد ورد=وجزل الادب يلفت الأنظار
الحجيري=
تبقى وفالقيل مثلك ندّ=وجزل الأدب ما علاه غبار
جيت أشتكيلك نحيل القدّ=وأنا أعرفْ إنّك سديد الشار
محمد سعد=
إن كان له في فؤادك ود=ولك ود عنده ولك مقدار
يمكن يبي يحبك المشهد=وأنته في وقت الملاقا حار
الحجيري=
كلما نزلنا فديره شدّ=عن دارنا يلتقيله دار
لكنْ لو أبطى علينا يردّ=وإنْ ردّ ما كمّل المشوار
محمد سعد=
يم المقفي لا عاد تلد=ولا عاد تقبل منه أعذار
لو كان يحفظ ودادك جد=ما كان عن داركم يختار

حرفي تلعثم وشعري تاه=لمّا هممت بمصافحته
ولما نطق هاآآي بين شفاه=بأقول له هاآآي ودعته

الحجيري=
قيلة نسينا ، وأخذنا الهرج=يا حرب ما عاد تلزمنا
أما نشد الفرس بالسرج=وألا بالأيدي تلازمنا
حرب=
حنا مانبغى الدروب العُرّج=وحسب القوانين عزّمنا
نحفظ علومك فوسط الدرج=وانشد بالمذهب احزمنا
الحجيري=
قدام موقفك يصبح حرج=عذرك يسدد فلازمنا
وإن كان وصلت شيوخ الخرج=شهودنا عند عازمنا
حرب=
ادري عن اللي فوسط الخُرج=لكنْ خلك ملازمنا
وإعلم ترى اللي طريقه مرّج=نارد معه ماتهازمنا

حسن علـي البشـري =
يا خالد عبيد لجلك نـد=حرفي يشوقه لقى نـده
اقرب يابو عبيد لا تبعد=مثلك ما نقدر على بعده
خالد بن عبيد الاحمدي =
يابو علي لابدعت انردّ=وحرفك يجي حرفي لحدّه
قريب حاضر ويدّ بيـدّ=واثنيننـا مابنـا صـدّه
حسن علي البشري=
صدفه بطرفه في طرفي لد=وقـدام لا نقصـر اللـده
دورت قلبي لقيتـه شـد=مع الذي بالنظـر شـده
خالد بن عبيد الاحمدي=
كم صدفة ٍ للفتى تسعد=في وقتها.. بعدها شدّه
واسلا عن اللي جفاك وصدّ=من بعد ماصوّبك خدّه

الحجيري=
كم حرف لأهل المثل خالد=وكم حرف يا حرب دون فدون
لكن وش تقول في خالد=دندون وألا مهو دندون
حرب=
صدقت ياوارث الوالد=فالطيب والحرف والقانون
ولعل كل ام ماتالد=الا كما اللي عليه نمون

شاعر .. حروفه كما .. الصحرا=مثل الخلا الموحش الخالي
وشاعر .. حروفه كما .. العذرا=تستقصد القلب طوّالي

الحجيري=
اِسمع كلامي يابو مديده=وغيرّ معزبك ضيف الله
وش لك بدربٍ مهو سيده=خلك مع دروب خلق الله
ابو مديده=
للضيف دِبره وتسديده=ويغيِّر معزِّب الحِله
تُحسَب فالأعراف تجديده= والعقل ما ألقى لها طلّه
الحجيري=
أعطيت فالدرب تسنيده=لكن في شوفك يعوض الله
أنصحك عيد النظر عيده=ما قصدنا غير وجه الله
ابو مديده=
مايقول فالدرب تعقيده= مِن لا على أوضاع مِختَله
قلبي يرى واسِع البيده=ويقدِّيْ عيون مِعتّلَه
الحجيري=
حنا سعينا لترشيده=وبقية أمر الفتى لله
فليفعل الله ما يريده=وختام الأقوال ذكر الله

صدري من مْزاحم همومه=حتى النسم فيه ما يسري
وطرفي له سنين في نومه=ما أرتاح .. دمعه نهر يجري

أصعب من الصعب تقلع حب=من قلب عاشق من جذوره
أو تزرع الحب داخل قلب=فيه الأحاسيس مبتوره

الحجوري=
مع كل تأكيد هذا صعب = والمرء ماهو بمقدوره
لاطب ينفع في كُره وحب = ولا دمع يشفع لمأسوره