ديوان كسرات الشاعر عبدالله العمري ( سمو الشوق )

17-02-12, 03:05 PM

الليله الحــــــال متغــــــير = أدري ولا ادري بتغييره
وامسيت فى السر متحيّر = يارب من يمـــك الخيــره

17-02-12, 03:16 PM


	المشاركة الأصلية كتبت بواسطة ســـمو الشوق


	لاعطيـــــت فى المـــد للرجّـــال = قانــون وافي وميزانه واصبح مغطرس وشايف حال = يكفيك فى الرد حقرانه

17-02-12, 03:32 PM

*
*
*
*
*

جس الهوى من بداياته = خلك على دربه المحمود
لاصار بالشرع غاياته = ركز جهودك على المقصود

17-02-12, 03:38 PM

ياقلب باعطيك منصوحي = جنب عن الذم بالقيفان
تترك أثر شين وجروحي = لو كنت بايع غداً ندمان

17-02-12, 03:43 PM

شد الحبل لابغى شده = واحرص على شدته بالهون
لاتقفل الباب وتســده = والناس بالوضـــع لايــدرون

17-02-12, 04:00 PM

سهمي رميته بلا مقصد = ما اقصدك ياذا ولا ذاني
مادامنا نجتمع فى الجد = لانهدم اللي بنى الباني

17-02-12, 04:10 PM

خلّك مَرِح واترك الشاني = يلقى من الناس من يشناه
الطِيب محتــــاج برهاني = محتاج فى الناس من يرعاه

رد المدرسة بيان الصمت

الطيب موهوب رباني=يعطيه أصله لمن رباه
ما ينشرى بمدح واثماني=يظهر على المرء من ممشاه

17-02-12, 04:23 PM

من خافقي بارسل الآهات = وابعث مع الشوق مرسولي
ادمح واسامح عن اللي فات = عن مهجة القلب ردو لي

رد المبدع صقر المقرح

لا ترهق النفس باللوعات= والوقت له ظرف واحوالي
ما يفيدك اللوم والحسرات = تمسّك به الصبر طوالي

ســـمو الشوق

سافر وليفي بعض ساعات = والقلب بالود مجبولي
لبــى ندايه على الــونـــات = من فرحتي قلت غنولي

17-02-12, 04:37 PM

لاصار فى المنتدى ريّس = قمة تعامل وقمة ذوق
خلك فطن والفكركيّس = لاتغادر المركز المرموق

17-02-12, 04:49 PM

لو البشــر تفهـــم الكــسره = والحرف تحسن بِنَا ظنّه
لاكتب دموعي مع الحسره = وآنا ابتسم من حسن فنّه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري