ديوان الشاعر / تركــي الجـــابري ( أبووافي )

يامجازي الطيب عكس الطيب = بين العرب بانت أعلومك
هـرج القفى مـن دروب العيب = يـاجاهل العرف ما ألومك

جيتك وكان اللقا بالهمس = خايف من عيون حسادك
وتخاف مدري تهاب اللمس = جننــتني والغــلا زادك

فيك البراءه ورب الدين = تاخذ من الراس تفكيره
أذهلتني والشقى بالعين = والقلب لك شوف تقريره

السلام عليكم ورحمة الله وبركاته
نمرحرب\\\
ياتركي الطاغي المجتاح ***** يسرق من عيوني ايامي
حتى ولو راح كيف ارتاح ***** والعمرمسروق قدامي
أبووافي\\\
لاتعانق الياس مهما راح ***** مذكور بالدين الاسلامي
واصبروتلقى الصبرمفتاح ***** زلال ممدود للضـــامي

ثقلت نفوس العرب ياحيف = وصار الفرح عندهم عادي
أيام راحت وجتنا كيف = اهأت في جونا الهادي

ذليت دمع العزيز الحر = يوم انهمل ساعة افراقك
وأهديت خلك بقايا المر = ياطيف مايكمل أشراقك

حــلم الطفــوله رسمتــه زين = وقلت الزمن للبشر صافي
وعكس الحقايق تشوف العين = هــم وكـــأبه على أكتـافي

ربيع مايكتمل فصلك = تعبث على قلب هيماني
لاتهمله قلب مخلصلك = أسير ماله وطن ثاني

القـلب لاتــــاخـــذه رده = ديـكورفي داخــله حــرمان
عازف عن الحب ماوده = بين المأسي جريح أنسان

,
,
,
,

لهيب نار الفراق المر = أبشع من المر مشروبه
بالجهرتضحك وتبكي سر = والعين من جد مغصوبه