ديوان الشاعر ( حفيد الحجيري )

على أمل عشت عشر سنين=أخايل مزون لقياهم
اليوم هلتّ مزون البين=وربعّ فؤادي بفرقاهم

العاقل إن قال تنصتله=لو كنت ما تجهل اش بيقول
والجاهل إن قال صفقله=واقطع خطابه بصرخة (( قووول ))

اهرج كما شئت اذا قفيت=هرج القفا ما عليه حساب
ولا أقبلت وقف ، واذا لديت=ناظر تحت وأرخي الأهداب

الصقر يكفيه مخلابه=لا قرر يعيش بين صقور
وذقن الفتى في ذرا أشنابه=دام الفتى ما عليه قصور

مرور الأفذاذ يكفينا=عن غيرهم كان ما مروا
اللي لا شافوا أسامينا=بالحال من مادنا فروا

الحجيري=
سلم يا ماهر على شراحيل=وسجل لنا في سجلاته
موعد منزه عن التأجيل=والقلب عندك بياناته

ماهر ابو خالد=
حسب البيانات والتحليل = القلب وضحت علاماته
الطرف اصحى معاه تميل = ومعالج القلب من ذاته
ويصحابنا سامحونا=

لو خيروني ما بين الناس=وانتَ لحالك ، أقول : انته
انتَ ذهب والبقيه نحاس=يا من بنا الود مكنته

يا إتي في آسيا سوّاح=باقي على كاسها شويه
للحوت والليث والتمساح=يا نمر . خلّ المحليه

صقر المراقيب=
سلام يسبق صاروخ اسكود=يصعب يقف قدمه الصامد
ياصلك فيه الوفا مشهود=ولا ني على مشاكسك عامد
حامد خطبّ من بنات حمود=وحمدان زعلان من حامد
ولا ثاب فالواسطه مجهود= قلب المجافي طلع جامد

ترحيب يسبق حياه . رعود=من دنّها ياقف القاعد
برقه من حدود يغشى حدود=وسيله على الطيب متصاعد
مادام حبل الرضا معقود=وسعدان معهم مهو مساعِد
كُتْبَه ، ولِنّ قدرّ المعبود=( سعده ما تاخذ سوى ساعد )

ماجد ابومديده=
إسم الحجيري على الشاشه=إسـتـرسـل الـخـافـي المـكـنـون
وخــــلاّنــــي اقـــــــــول يـــابـــاشـــه=سـلام والطيـب لُــه مضـمـون
حفيد الحجيري=
نفـس الـذي خاطـرك عـاشـه=عشته وعاشوه مـن يوحـون
من قلب ابيض من الشاشه=يــا مرحـبـا يــا هـــلا مـلـيـون
ماجد ابومديده=
عـذب الاحاسيـس جيّاشـه=على نغم حرفك المـوزون
وحاشا يجيها الملل حاشه=مـادام تسمـع دُرر وفـنـون
حفيد الحجيري=
زبون سوق الذهب . كاشه=مصروف مـا يـرده العربـون
وحرفك غطـا القيـل وفراشـه=أنا أشهد إنه سحر وجنـون
ماجد ابومديده=
كـيـف الـهـوى دّق مهبـاشـه=واصبح فؤادي عليه يهون
ومــخــالـــب الـــــــود نــهّـــاشـــه=ماترحـم الخاطـر المـحـزون
حفيد الحجيري=
كم قلـب جـور الهـوى ناشـه=واصبح رهينه معه مسجون
وقلبك ما يسهم في انعاشـه=إلا الـمــداراه هــــون بــهــون