فنجال بن حرجي في فرعة شعيبي

بسم الله الرحمن الرحيم:على الديوان
كنا في مجلس تدار فيه الروايات عن الرحلات والسفريات وان الغرب اجمل من بلادنا بلاد الحرمين وبراريها ومناظرها فتولدت هذه الابيات

يوم السعد فــي البراري فائح الطيــــــبي =يجلى عمس بادي المرقـاب لا شمّــــــــه
فنجال بنّ حرجي في فرعـــــــــة شعيبي =يسوى هوى ساحـــل أمريكـــا ومن ثمّـــه
عند بدويا ولِف روس المراقــــــــــــــيــبـي =مثيل ما يألف الطفـل الغرير أمـــّــــــــــــــــه
لا جاء لـــــراسي من الهاجس ضواريبي =يكــــــــــــــــــــــــاد منها العقال يطير والعمّة
من بعد ربي زهمت الجيب ويجـــيــبـي =جوابٍ يحقـقه ما يلحـــــــقه ذمَـــّــــــــــــــــه
مضمون قوله تبشـّر ويــــــــــــــن تبغيــــبي =أنت الدليلــــــــــة وسيد الموقـــف وسمّـــه
لو كان حمله كلـــيـــــف وخطـه تـــعيـبي =الحمل ما يكـربه والخــــــــــــــط ما همّـــــه
الجيب شيخ المواتر وأنعم الجيــــــــــبي =مثل الشجيـــــــــــــع السنافي مع بني عمــّه
مواقفه تطلق وجيه المذاريـــــــــــــــــبـي =لا صار خطـــــــــــــوا الدويني عينه بكمــــّه
أخير ما يقـــــــــــــــدره شذب العراقيــبـي =ما يرتـــــــقي للجليلـــــــــة لا رحم دمّـــــــــه
يا قلب عذبتني وأمعنت تعذيـــــــــــــــبي =تطرد خيال السراب وتحـسبه جــمّـــــــــــــــة
يا قلب حـيــلي توانى وأشـتـعل شـيـبـي =وأصبحت مثل المحوّل من شفا القمـّــــــــــة
الرجم وش له عليّ من المواجـــــــــيبي =يوم تحــداني على تـــــــــــــــــّل القـدم يمّــه
مالي لـــزوم وراه ولا لي ذهــــــــــــــيبـي =ولا بيني وبــينه عـهــودٍ ولا ذمّــــــــــــــــــــــــــه
أنصــــــــــــــــــــاه كنه يودي لي مناديبي =وألاّ أني مكلّفٍ للرجم بمهمّــــــــــــــــــــــــــــة
والرجم ما فـــيه للبادي مكاسيــــــــــبـــي =إلا همــــــــــــــــــــــــــــومٍ برأس الرجم ملتمـة
بين الخلاء والأفــاعي وأسحــم الذيـبـي =وإرهاق جو الجفاف مخالطـــــــــه غـمـــــّـــــة
بعد الونس والرجاعة والاصاحيــــــــبــي=أسنا مـــــــــــــن النشر والنواّر واللــمـــــــــــــــة
الأرض كنه ملوّعها مشاهـــــــــــــــيـــــــبي =البال ما تشرحـــــــــــــــــــــــــــه والناظــر تكمّــه
هشّم شجرها وهدّاج المـواهـــــيـــــــبي=ما باقــــــــــــــــــيا منه غـيـر عجــــــــامه الصُمّـــة
عسى نصوبٍ تهـّل الوابل الصيــــــبــــي =تسقي حُفــوف الـوطن والعالم تعــمّــــــــــــــــه
من مطلع الشمس لين تميل وتغيــــبي =يروي ضما الكـوكــــب الأرضي وما ضـمـّـــــــه
تلبس عليه الدْير خُـــــضُـر الاساليــــبي =من جود ذا يرزق الأوطـان والأمــــــــــــــــــّــــة
حتى تطيب المناظــــــــــر والمشاريبي=ويطيب شوف الزهــــــــــــــــــــــــر برياضه وشمّه
يا الله يا اللي بيدك الرزق وتــثـيــــــبي=ترحم وتـغـــفر خطانا كيفه وكـــمّـــــــــــــــــــــــــه

مبارك نايش علي ألغامدي 17/11/1429هـ

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك اخوي مبارك
قصيده رائعه
دااام ابداعك
احترااامي

السلام عليكم ورحمة الله وبركاته
سلمت ودمت أخوي الشاعر ‏مبارك أبن نايش الغامدي على القصيدة .
.
.
جزله ورائعه وصح لسانك
أخوك ابوساره

الشاعر القدير

مبارك الغامدي

صح لسانك واعتلا شانك

نص جزل من شاعر جزل

لله درك




رائعه بروعة حضورك المميز دايم ٍ

صح لسااانك


ودي وتقديري لشخصك الكريم

لاهنت وصح السانك

تقبل التقدير والاحترام

وفقك الله

استاذي رابح الجحدلي صح بدنك مرة ومليار مره لا هنت :آسف على التأخير بالرد وذلك لظروف الاتصالات الغير مشجعه تحياتي

الاخت سعودية لا هنتي ورحم الله والدينا ووالديك تشكرين على العبارات الجزلة تحياتي

الاخ الحميدي الحربي أبو ساره وعليكم السلام ورحمة الله وبركاته
نشكرك من صميم القلب على ما تفضلت به من العبارات الجزلة نحو القصيدة لاهنت اخي العزيز بارك الله فيك تحياتي