سلام من قلب حام وجس

السلام عليكم ورحمة الله وبركاته
المعذرة عن التقصير .. لكن هذه مشاركة على الطاير .. وعسى تجي فرصة ونعود
،
’
’

سلام من قلب حام وجس=في قلوب أقفت وعوَّد تو
قلي تقنَّع بعد ما جس=مافيهم اللي يخيل النو

الأخ لافي

حياك الله

ومن طول الغيبات جاب الغنايم

وعلى عجاله يالغالي

رد متواضع

اهلين بالفل والنرجس=عساك طيب وماشي سو
والقلب دايم ترى يوجس=يعرف ديار(ن) تشب الضو

تقبل تحياتي

حياك يا لافي،
و اسمح لي اشارك،
ولا يهون ابن خير الله الردادي:

القلب ما يوم كيله هسّ= و لا يوم خوَّع و غيَّر جوّ
من لا يطاوع خفوقه طسّ= و خلّى حبيبه و رام البوّ

صح ألسنت الشعراء

و بيض الله وجيهكم

صحت السنتكم ياشعار الكسره

بيض الله وجيهكم

الله يحييكم جميع / الأعزاء فارس عوف سالم الفريدي شاكر لكم من كل قلبي
هذا المرور الجميل والله يديمه
( أبو سامي - والدكتور الصيفي ..دكتور القلوب .. يكفي أرى الأسماء والله أنها تعني لي الكثير هنا وهناك )
دكتور القلوب أذكر رد له على كسرة تفاعل معها بكل أحاسيسة (طبعاً هناك لكن .. أستر ما واجهت ) والكسرة هي

أشكي ألم وأتحمل قلب=وأدرى بعض حال من غلبي
ما أخاف لو يحرقون القلب=خوفي على من سكن قلب

وهذه ...هه

والله ليا شفتكم ءأنس=وأعنالكم مثل ما تعنو
لكنَّه القلب لاعسعس=ما ردت القلب كلمة لو

صحت السنتكم

وبيض الله وجيهكم

الأخ لافي والأخ الدكتور الصييفي

يعطيكم العافيه وصح الله السنتكم

اشكركم واشكر جميع الأخوان على المرور والتعليق

واستلم يالغالي

هذا الزمن زاد فيه اللبس=والكل في حالته يلهو
واهم حاجه تكون النفس=بالطيب تزداد او تعلو

تقبلوا تحياتي

السلام عليكم ورحمة الله وبركاته

أخي الكريم

لافي

زماااااااان عن إبداعاتك

ويعطيك ألف عافية

وكذلك الإخوة

الذين أمتعونا بردودهم

والأسماء تكفي وخير دليل

فهي عنوان الإبداع

كلام جميل بارك الله فيكم