ديوان الشاعر فهد اليوبي (ساهر الليل)

حبيتها لين شوشتها = صحيح ان الغرام اجنون
واليوم بانت حقيقتها = تلعب على قلبي المفتون

نيران في داخلك تصلى = وانته تكبر امانه ليه
لو كان بين العرب تسلى = كل الادله تدين البيه

الله خلق في العرب اطباع = وفي ناس من طبعها تعجب
ويش رايكم في رجل سماع = وعن ملتقى الناس يتحجب

سلام لك ياوفي المد = يامن لكم تشهد افعالك
ادعي لكم باشفاء ياحمد = والعافيه دايما فالك

موت بقهر ياحويسد موت = وبنار غلن توقدها
يبقى الحسد داخلك مكبوت = ياكل اجورا تعددها

حذراك يدري عن الللي سار= واللي حصل في علاقتنا
اعرفك مثل البحر غدار = من زود حرصي لاتفضحنا

لاعاد تكثر عليه النوح = انا نسيتك وسامحني
القلب روح مع المملوح = اللي لقيته وريحني

راحت فرنسا ولاظني = ترجع بعد شافت الشقران
ماهو كما حالنا يعني = اخدودهم كانها رمان