هموم الوقت

الشكوى لله مــــــن همــــوم لهاوقت =خلتني أنسى ضحكتي ماأعرفهـا
الفكرحــــــاير والحقيقــــة أناضقـــــت =والهم خاوى الــروح حتى ولفهــــا
بالنوم ياتينــــي وقدمي ليافقـــــــــت =حتى عيوني عن منامي عسفهـا
ياقصــةمن عشتـــــها مــــاتوفقــــــت=دارالزمـــن فيها وضيـــع هدفهــــا
بشباكهامن دون مـــــاأدري تعلقــــت=ومست علي حبــالها من طرفهـا
ساقت علي الكاس ســـم وانا ذقــت=وحسيت روحي تقترب من تلفهـا
كني بوسط البحرفي موجه انسقـــت=البــحرهـــايج والسفينة جرفهــــا
مامن نجـــــــاه وباقي العمرفارقـــــت= واعلنت ياسي بالحيـــاه وترفهـــا
ساقتني الخطــــوه وانا مــــاترفقـــت=للشجره اللي مايـــذري كنفهــــا
ماعادينفـــــع من بعد ماتحقـــــقــــت=يوم إتضح لي من حياتي حرفهــا
أضحك واجامل من سأل وان تضايقت=والناس يكثربالخـوافي شــغفهـــا
حطيت سري داخل الجوف واغلقــــت=واسرار نفسي ماحدن يكتشفها
حتى ولو في بعض الاحيان ماطقــــت=اصبــــرعلى دنيـــا كثير كلفهــــا

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح
السانك
وسلمت قريحتك
الشعريه
تقبل مروري

صح السانك ياخوي مازن قصيد جزله والله يعطيك العافيه

رابح الجحـــــــــدلي...

صـــــح بـــدنــــك مليـــــــووووون...

مرورك العذب أسعدني...شكــــــــرا لك...

صح السانك اخوي بيض الله وجهك

عيســــــى العـــوفــــي...

صـــح بدنـــــــــك...اشكرك على مرورك الراقي...

الشاعر / مازن الغيداني

صح لسانك ع هذه القصيدة

و بانتظار جديدك

اخوي وصديقي العزيز....مازن ...ابو.باسل
صح لسانك ودام نبضك
قلت فااجزلت ومن عادتك الجزاله
بكل ماتجود به نفسك من بوح قلم وكرمٍ وطيب

لك اغلى تحياتي وتقديري

تقبل مروري وصح الله لسانك من عندي الين عندك


تقبل سلامي


ارق التحايااااااااا