مجاراة الشاعر/عبدالله بن زويبن

مجاراة الشاعر/ عبدالله بن زويبنيـــ

يا مــــل قــلــبٍ هـواجـيـسـه يـسـجـنـه=سـج النضـا بالمـطـارق والمشاعيـبـي
هــن ودهــن كــل روضٍ زيــن يـرعـنـه=وهـم ودهــم بالمـسـا عـنـد المعازيـبـي
يـوم انتهـى كــل مــا بالـخـرج والشـنـه=تـواعــدوا بــيــت نــطـــاح الـمـواجـيـبـي
شيخٍ صدى صوت نجـره كـل مـا دنـه=يقـنـب بــروس الـنـوازي قنـبـة الذيـبـي
يرخـص خروفـه ولا يبخـل عـلـى بـنـه=ويشكر ويذكـر ليـا عـدوا هـل الطيبـي
تـريــحــن وأمــرحـــن يـومـنـهــن جــنـــه=وأنا الهواجيس تسرح بي وتسري بي
راحـــن بقـلـبـي ولا أدري ويــــن ودنــــه=أخــذت فــي جـوهــن غـفــوة وتغيـيـبـي
سجـيـت معـهـن عـلـى فـلــمٍ يعـرضـنـه=عن غيب بعض القرايب والأصاحيبي
ابـلـيـس لـــولاه كـــل الــنــاس بـالـجـنـة=لاكــــــــن يـلــعــبــنــا راع الـتــلاعــيــبــي
يا شين بعض الأوادم لو ضحك سنه=يضحك بوجهي ويشذب فـي عراقيبـي
واللـي ليـا غبـت غـوجـه للـطـرد عـنـه=وجّـرد سيـوفـه عطيـبـات المضاريـبـي
هـجــرت كـــل الـــدروب الـلــي يـمـرنــه=أخيـر لـي مـن مجيـه ، عنـه تجنيبـي
ولو ما أقتـدي فـي كتـاب الله والسنـه=خلـيـت كــلٍ عـلـى ديـنـه يـصـلـي بـــي

وهذه مجاراتي

دن القلم وابيض القرطاس لي دنه =مادام ياصاحبي حضروا مناديبي
قلب العناء به هواجيس يلوعنه =لوعة سموم الشمال لشمّخ النيبي
ليا ثوّر اغبارها في لاهب الكنه = مع الظما لاعهن حر ولواهيبي
هواجس القلب للعسره يحدنه = وانا تحمّلتهن حتى كثر شيبي
جابن لي الهم في قلبي ووصنه =يلعب بقلبي ويقبل بي ويقفي بي
ليا صدّرن راجعن قلبي وعادنه= واجري مع الهم والايام تجري بي
ولاكل راي من اهل الهرج يرضنه =حرص على البعد عن عفن المشاريبي
بعض العرب كان ماجيته على ظنه=يقول قصّرولاكمّل مواجيبي
مهما تردى له المعروف والمنه = ما يعدّلنه عريضات المصاليبي
ابليس يركب على الانسان ويعنه =بالمكر يلعب على بعض اللواعيبي
كم شخص مغرور عيلاته يحدنه =في طاعة ابليس يارد للمغاريبي
وابن زويبن جزيل القول من فنه = للشعر مدرك ورايه دايم يصيبي
يابن زويبن هدفك ومقصدك كنه=يشرف على الناس من عال المراقيبي
بينت لك راي كنت اخفيه واكنه= من خوف لايبحث الهراج عن عيبي
والناس في وقتنا بالهرج منجنه = يدورون المشاكل والعذاريبي

صح لسانك وبيض الله وجهك

مجاراة راااائعة لشاعر كبير بحجم ابن زويبن


لكم خالص التقدير

الشاعر ابو خالد الفريدي

صح لسانك وعتلا شانك

صح السانك

واعتلا شانك

تقبل تحياتي

صح لسانك اخي الغالي على هذه المجارة الجزلة

صح لساانك وبيض الله وجهك تشكرر عليها يابن العم مجاراه رائعه وفقك الله

صح لسااااااااانك يابو خالد

صح لسانك

مجاراة رائعه

تحياتي

صح السانك
رائعه جدااااااااا
تحياتي لك

شكرا لكل من شرفني برده من دون عدد ولاتخصيص
بارك الله بالجميع