حربي وربعي حـرب لطامةخصـام *** اهل السيوف المرهفـات الصقايـل

يوم القوافي جالها بصـدري زحـام = عديـت روس النايفـات الطـوايـل
في مرقبن فيه ابرق الريش ماحـام = يطرقبـه النسنـاس والظـل مايـل
عبرت من جاشي وولمـت الاقـلام = للسيـف سيـف وللمثايـل مثايـل
صرفت قيفانن على خافقـي ركـام = من مصنعـن ماينتـج الا الجزايـل
ويم العواجي صدرن ماهـن حيـام = هـداج صدرهـن لريـف الهزايـل
اخاطـب العقـال ببيوتـن حـشـام = ولا عـن الجهـال مانـي بسايـل
من قدم اليمنى لـه الجزلـه يـدام = ومن قدم اليسـرى يـذوق الملايـل
كم من غشيمن طاح في حقل الالغام = يمشـي ورجلـه طشتـه بالحبايـل
واللي على نفسه رضى حكم الاعدام = لاطـاح راسـه ماتفيـد العـذايـل
يالوايلي كلآ على الواجـب حسـام = سيفن مصقل في نحـر كـل عايـل
من دون ربعه ينطح رماح وسهـام = مثل الجمـل يبـرك لشيـل الثقايـل
وحنا على الزلات صاحيـن ونيـام == في حـال ولا حـال اشـب الفتايـل
قلبي على دوس المعاسيـر مريـام = ماهو جفولن فـي نهـار الصمايـل
حربي وربعي حـرب لطامةخصـام = اهل السيوف المرهفـات الصقايـل
بالحرب ماقد نكسوا روس الاعـلام = يوم القبايـل بيـن صايـل وجايـل
واليـوم مـن الله علينـا بالاسـلام = راح الزمان اللي بـه الـدم سايـل
جتني بيوتـك يـاذرى كـل منظـام = وميزت طيبك يوم شفـت الرسايـل
مرد عاقل عن قشاش الوطى شـام = جواهرن من نظـم واف الخصايـل
ومن طيبها الهاجوس في بحرها عام = (ومشيتلك ممشاك يابـن الحمايـل)
للمعرفه شرطـن وللخـوه احكـام = ولاحكامها مانـي لشـرواك قايـل
اللـي يقدرنـي ترانيـلـه حــزام = بالضيق لونه مـن اقصـى القبايـل
ولا الردي لوهو من عيال الاعمـام = مالـه معـزه عندنـا يابـن وايـل
الحـر حـر ولايصاحبلـه خـمـام = وبين النشامـا قالـو الشـك زايـل

الشاعر المتألق

محمد عبدالمحسن البدراني

صح السانك

وبيض الله وجهك

تحياتي

الشاعر المبدع

محمد عبدالمحسن البدراني


ادامك الله وادام الله الابداع

صح السانك وبيض الله وجهك

الشاعر المبدع و المتألق

محمد عبدالمحسن البدراني

صح السانك يالغالي

ويبيض الله وجهك

تحياتي وتقديري
عاشق بريده

الشاعر محمد عبدالمحسن البدراني

صح لسانك

وبيض الله وجهك يالغالي

اخوك
سلطان

صح لسانك يا أبو عبد المحسن

صراحة قصيدة جزلة

الاخ الشاعر محمد عبدالمحسن البدراني

لله درك

وصح الله لسانك ملايييييييييييييين

وبيض الله وجهك

حربي وربعي حرب لطامةخصـام
اهل السيوف المرهفـات الصقايـل
بالحرب ماقد نكسوا روس الاعـلام
يوم القبايل بيـن صايـل وجايـل



يعطيك العافيه يالغالي

تقبل تحياتي

حربي وربعي حرب لطامةخصـام
اهل السيوف المرهفـات الصقايـل
بالحرب ماقد نكسوا روس الاعـلام
يوم القبايل بيـن صايـل وجايـل

.......................
ونعم ملايين بقبيلة حرب كلها

وصح لسانك

ولا عدمنا ابداعك

الاخ محمد
لقد قلت فاصبت فى القول
تقبل تقديري واحترامي الشخصي