بدر الحويفي وفهد ذعار البدراني

في قنصتنا الاخير ة طرح الشاعر الكبير قصيدة وطلب من جميع اخوياه الشعار مجاراتها ... وهذي قصيدة ابو سلمان ومجاراتي المتواضعة لها بين ايديكم

بدع الشاعر الكبير / بدر الحويفي

عزي لكم يامدورين الحباري=بارض لواهيب الشموس احرقتها
على الجيوب تقصقصون الاثاري=والارض غبرا والغنم حايستها
مهما تجاوزتوا فجوج الصحاري=رحلاتكم يالربع وش فايدتها
خلوا ولعنا بالحمام الخضاري=ونفرح إلى من الطيور لحقتها
نرقد ضحا ونهد وقت العصاري=خلو مواترنا تطير غبرتها
لون بالسرعه علينا خطاري=الطير يطرد والمواتر تحتها
ومشكور ياللي للقصيده تجاري=علق عليها تنتشر سالفتها
واللي على قولي من الناس زاري=الناس دايم تختلف معرفتها

مجاراة الشاعر/فهد ذعار البدراني

سبحان من يرسل هبوب الذواري=ذعذاعها ماهو مثل عاصفتها
يالله لاتجعل ولعنا عزاري=بارض لدايجها زرعت بركتها
رايك يابوسلمان وانت استشاري=رحلة عمر معناك من تجربتها
احيان تشكي ضلها والغواري=واحيان تشكي قل في ذاهبتها
واهل الولع كثرو بكل المحاري=ودنياك شانت والوحوش حشرتها
واسلوب هد الطير هذا حضاري=لاجل الحباري لالقوا شاردتها
راع الولع في موتره مايداري=علامة الجوده وحي قرقعتها
عزي لطراد الولع بالبراري=كان الصقاره غيرت ماركتها

فهد البدراني


سلمه الله


مجاراة رائعه بمعنى الكلمه لشاعرنا الكبير بدر الحويفي


ومليون صح السانك ولسانه

وعلا شانك


ولاعدمناك يافهد



تحيتي وتقديري

	المشاركة الأصلية كتبت بواسطة محمد عبدالله البدراني

	فهد البدراني سلمه الله مجاراة رائعه بمعنى الكلمه لشاعرنا الكبير بدر الحويفي ومليون صح السانك ولسانه وعلا شانك ولاعدمناك يافهد تحيتي وتقديري

صح بدنك وشرفني مرورك يابو عبدالله

صح لسان الشاعر الكبير / بدر الحويفي , وصح لسانك أخي فهد على المجاراة الجميلة .

كل التوفيق يافهد ...

صح السانك على هذة المجاراة لشاعر حرب الكبير أبو سلمان.

مجاراة رائعه بمعنى الكلمه لشاعرنا الكبير بدر الحويفي
وصح لسانك ماقصرت

صح لسان الشاعر الكبير / بدر الحويفي , وصح لسانك أخي فهد على المجاراة الجميلة .

صحــت السنتكــم
دمتم برعاية الله وحفظة

صحت السنتكم
..
..
أسجل اعجابي
..
ويعطيكم العافيه
..
..

صحت السنتكم ودام ابداعكم وبيض الله وبيض الله وجيهكم