انا ياهيه ماقاسيت اقاسي.!!

من القديم ولكم قبلها التحيه والتقدير:

انا ياهيه ماقاسيت اقاسي = من اللوعات واكبر من مقاسي
لبست هموم وقتي كلبوها = ولا خليت منها مايواسي
كبر مالبستني والبستني = هموم الوقت ياهيه القواسي
وانا وياك كلن جاه حقه = من اللشدات واقوى منك باسي
اشوفك ماتحمل مايصيبك = يبين ابناظرك بعد احتباسي
ولو خفيت يظهر ماتخفى = ويزعلني زعلك ان كنت ناسي
علامك ياصحيبي في صحيبك= تزيد الهم وانت اللي تواسي
تبي تلبس علي الحق باطل = وانا افرق ذهبها والنحاسي
ولوهي من هذورٍ شقلاباني = تراي اعدها ظمن الطفاسي
ولكن هرجتك عندي ثمينه = لحيث انك ثمين .. وعز راسي
وساس العز رفقة كل طيب = وساس النقص رفقة كل خاسي
ولا رفقة نقيين الضماير = مثل رفقة رديينن اخساسي
ولا في عرف ابو وجهين مكسب= ولاتقبل صلاةٍ بالنجاسي
اقوله وانت عارف ماتعرف = ومثلك حايزن جوهر وماسي
وانا ياهيه اخفي كل مابي = واشيل ابخافقي كبر الرواسي
واليا شفت الرفيق اضحك واهلي = واليا من غاب زفراتي حساسي
ولكن ياعساها ماتعود = هاك الليله حصل فيها التباسي
وزاد الهم عندي فوق حده = لقيتك بالسفر تبغى اتماسي
طوارف جال ساره والفويلق = مراتيع الصبى وتصير ناسي
نسيت اللي صفالك في زمانك = صفالك يوم فيك الوقت قاسي

..

صح لسانك
متمكن

اخوي

محمد

تشرفت بالمرور من هنا

صح الله لسانك يا شاعر الجزاله

ياسلام ياسلام
تسلم يابو عبدالله
على هالدره
وساس العز رفقة كل طيب=وساس النقص رفقة كل خاسي

	المشاركة الأصلية كتبت بواسطة مهجرس الحرف

	ياسلام ياسلام تسلم يابو عبدالله على هالدره وساس العز رفقة كل طيب=وساس النقص رفقة كل خاسي

مهجرس الحرف
سلمه الله

مليون شكر لمرورك الكريم المبهج

بيض الله وجهك

ولاعدمناك




تحيتي وتقديري

صح لسانك يابو عبدالله قصيدة فيها شي من المعاناة ....

الشاعر القدير محمد عبد الله البدراني


صح لسانك وبيض الله وجهك


قصيده جزله وعلى بحر يشد القاري


يابو عبد الله قديمك جديد يالغالي تحياتي وتقديري

	المشاركة الأصلية كتبت بواسطة سعد المحمدي

	الشاعر القدير محمد عبد الله البدراني صح لسانك وبيض الله وجهك قصيده جزله وعلى بحر يشد القاري يابو عبد الله قديمك جديد يالغالي تحياتي وتقديري

اخي العزيز الشاعر القدير سعد المحمدي

سلمه الله


مليون شكر لمرورك الكريم المبهج

كم يسعدني مرورك اسعدك الله اينما كنت


وبيض الله وجهك يابو تركي



تحيتي وتقديري

الله عليك يابوعبدالله
صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

محمد عبالله البدراني صح السااااانك حتى ترضى