وشبــابـه غـــدا مابيـن"خـوخـه" وتفـاحـه

السلام عليكم

مصافحتي الأولى لكم .. و أتمنى نقدكم بكل صراحه ..

تفضلوا

/

عــفـا الـلـه عـن قلـب مــن أيامـنا مجـروح=زمانــيــن مــاذاق الـهـنا فـــيه والــراحـــه
ألا ياحـمــام الــورق عذبتـــني باالنـــــوح=نيـــاحــك يــهــز القـــلب ويسبـب نيـاحـه
أحاول زمـاني وانـقـفل بابــــه المفتـــوح=وحــاولـت افـكــه وانكــسر فـيــه مـفـتاحه
سـرى اللـي يخـيل الـبرق يـــوم البــروق تلـوح=عـلـى راس رجـم مامـعه غيـر مسـباحه
تذكــر زمــان راح ذكــره يهـــز الـــروح=طــراته وطيـبــة نـاسـه ولـــذة مـــزاحـــه
تراحـم تواصـل صفـوة قلـــوب عــذب مــزوح=تكاتــف عــلى أتـراحه تكــاتف علــى افــراحه
ألايــاسمــي الــذيب قــلي وش المصـلـوح=ورا وقـتـنا اللـي فـكرة الغـــرب تجــتاحــه
تســاوا بــه الـمـذموم ياالذيــب والمـمــدوح=وشبــابـه غـــدا مابيـن"خـوخـه" وتفـاحـه
ورا العولمه يمشون في جـوها المـفضوح=وشـخـص مشى معها فلاحصـل اربـــاحــه
خطـاة الولـد يجـي مـع العولمه ويــروح=ورا غــيها ما اسـهــل مجـيــه ومــرواحـــه
بــدا جيل تفكيـره من الذاكــره مـمســوح=يحـيرك تفكيـــره ولايـــبذل كفـاحـــه
تــدرسـني الايـام وانا بـعيــد الشـــوح=وعنــدي خــبر مايمـسح الحــبر مســاحــه
ياربـى وأنا مؤمن بـما كــتب لي بااللـــوح=وعليــك الفرج والوقت بيدينك اصلاحـــه
وعــفـا الـلـه عـن قلـب مــن أيامـنا مجـروح=زمانــيــن مــاذاق الـهـنا فـــيه والــراحـــه

عبدالله بن راضي القبع

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

	المشاركة الأصلية كتبت بواسطة رابح الجحدلي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

شكرا ً لك ع مرورك العطر ..

لاهنت وصح السانك

تقبل التقدير والاحترام

وفقك الله

	المشاركة الأصلية كتبت بواسطة الجرح

	لاهنت وصح السانك تقبل التقدير والاحترام وفقك الله

لا هنت عزيزي الجرح .. و صح الله بدنك

صح الله لسانك
ولاهنت
وسلم فكرك وبنانك
دمت برعاية الله وحفظة

شامخه مثل شموخك
العذب وفكرك وخيالك الواسع حياك الله
والله يبيض وجهك

السلام عليكم ورحمة الله وبركاته
سلمت ودمت أخوي الشاعر عبدالله راضي القبع على القصيدة .
.
.
جزله ورائعه وصح لسانك
أخوك ابوساره

اعجابي بلا حدود

صـــح لسانك

قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
وحياك الله بين ربعك
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري