في دار وافين الفعول المجيدة

في دار وافين الفعول المجيدة






إلقيَت هذه القصيدة في الاجتماع الثالث لقبيلة المراوين في مدينة الراياض مساء يوم الخميس الموافق 28\10\1431 هـ :
ويقولون الشعر ديوان العرب : والشاعر اللي مايمدح ربعه مافيه خير :

يا مرحبا يأهل الخصال الحميدة = ترحيبةٍ من وافيات التراحيب
تحيةٍ بالمفردات الجديدة = تمسي على طيبٍ وتصبح على طيب
الملتقى الثالث لبس ثوب عيده = انتم نجاحه والفرح والمكاسيب
بحضوركم يكمل لنا مانريده = لنا وعلينا في لقاكم مواجيب
إن ما صخرنا للظروف العنيدة = رايٍ ليدينا في حباله مقاضيب
غدابنا وقتٍ طوانا بعيده = وحنا منوّل روس قومٍ مذاريب
المجتمع كنز المحبة رصيده = ورجلٍ بلا ربعٍ زمانه عواقيب
حنا اليا قر الوكاد بوكيده = عيال مروان المسمى اهل الطيب
ننطح عواصيف الأمور المكيدة = نضرب على الراي الرهاوي اليا هيب
مجد الجدود اللي تقدّم نزيده = مجدٍ يسجل في جديد المكاتيب
بديدةٍ ياحي والله بديدة = عالي نسبها ماوطتها العذاريب
تاريخهم يصعب عليّ اتعديده = صبحٍ جلا ليلٍ سواده غياهيب
رجالهم فن الشجاعة يجيده = عن واجبه بين المناعير مايغيب
يما احتمينا بالسنين المديدة = يوم الليالي بين أهلها شلاهيب
عفرٍ كما متون الرواسي امشيدة = وضحٍ اتعلّق في اذراها الدباديب
ويما وقفنا بالفعول الرشيدة = وقفت شرف مع حرب ماهي تكاذيب
بشعرٍ يصوّت بالمعاني نشيده = وجاهٍ وراي ومال وعرفٍ وترتيب
يما ارتفع للمجد منا وليدة = يشهد على طيبه شيوخ الاجانيب
ربعك اليا طقّت حديدة حديدة = يغني ذراهم عن بعيد المعازيب
كنك براس اللي تراكم جليده = مشمرخٍ ثلجه من الشمس ماذيب
هلابكم والقول يكفي سديده = يكفي مصيبه عن كثيره اليا صيب
في دار وافين الفعول المجيدة = دار السعود مطوّعين الاصاعيب
كم شاعرٍ فيها يشوقه قصيده = في كل مطروقٍ جميل الهناديب
ما حقنا فيها القسوم الزهيدة = يوم ان كلن يقتلب كنه الذيب
نفرض صليب الراي من روس غيده = نفتل وننقض مبرمات اللواليب
كم جيش قومٍ طاح منا عقيده = عيون جموعه مثل قدح المشاهيب
وكم داهية حربٍ قطعنا وريده = ترمي جواده في نحرها المعاطيب
ويما ملكنا المكرمات التليدة = معرّباتٍ طيّبات المناسيب
جف القلم بالواردات الأكيدة = وأزريت لاحصي عد شمٍ مراقيب
تمت بمضمون الحروف المفيدة = في مدح ربعي متعبين المناجيب

ونعم مليون
صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك مليون على القصيده
والله يـعـطيـك الـعـافيـة
بيض الله وجهك

الله الله يانافع

والله ونعم فيك وفي ربعك المراوين

ولآنت والله بمدحهم مليوم

عسى الله يحفظكم ولايريكم مكروه

ويستاهلون ربعك المدح والتمجيد

قصيده جزله من شاعر جزل

تقبل مروري وتقديري

قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري

صح لسانك والله يابوبدر انا اشهد انك قلت القصيدة اللي تعد وترفع الراس

ونعم فيك و
بـديـدةٍ يـاحـي والله بـديــدة
عالي نسبهـا ماوطتهـا العذاريـب
تاريخهـم يصعـب علـيّ اتعديـده
صبحٍ جلا ليـلٍ سـواده غياهيـب
رجالهـم فـن الشجاعـة يجـيـده
عن واجبه بين المناعيـر مايغيـب
يمـا احتمينـا بالسنيـن المديـدة
يوم الليالي بيـن أهلهـا شلاهيـب

والله ونعم يستاهلون المدح

ومليون صح السانك قصيده

جزله ومعانيها ثمينه لاهنت

و الله و النعم فيك و بربعك المراوين

و يستاهلوووووووون المدح و اكثر

صح لسانك ملايين و بيض الله وجهك

و النعم فيك وفي بربعك
استاذ نافع الحربي
صح لسانك
قصيده جزله من شاعر جزل
لاهنت

الأخ - رابح الجحدلي
الأخ - فواز الزويهري
الأخ - السهم الحربي
الأخ - ابو فياض النويمي

اشكركم جزيل الشكر قد سرني حضوركم وتعليقكم
لاهنتم : لكم مني كل التقدير ولإحترام :