حط المناظر على الشمس

هاكم قصيدي والقوافي لهـا حـس=والعلم واضح يالوجيـه المسافيـر
ياشينها لاصرت تتكتب وتطمـس=والجو عجـه والمشاكـل طوابيـر
عيني على جده وقلبي على الـرس=وقلبي على غزه وعيني بكشميـر
ماكـل ورده تنتـعـش وتنـفـس=ولاكل دلون يجذب الماء من البيـر
بسلوب فني جتيكم رامس ٍ رمـس=يعني على ماقيل فكـره وتصويـر
مثل الذي حط المناظر على الشمس=مثل الذي دق الخشـب بالمساميـر
ليله تحب عنتر وعلبه تحب قيـس=والزير سالم يالربع ماهـو بزيـر
كلن علـى قافـه يفصـل ويلبـس=وأنا على قافي عزمـت المناعيـر
اللي بغى لولو غطس بالبحر غطس=واللي بغى عشره يكـد المشاويـر
هاكم قصيدي والقوافـي لهاحـس=ياسامي الجابر تمسى علـى خيـر

,
,
,
صح لسانك وسلم بنانك
قصيدة وافيه من وافي
بيض الله وجهك يالذيب
اتمنى لك التوفيق
اخيك ابو فياض النويمي

صح لسانك وسلم غاليك والله يبارك فيك
بيض الله وجهك يالنشمي
قصيدة وافيه من وافي
لك خالص التقدير

صح لسانك مليون على القصيده
والله يعطيك العافيه
بيض الله وجهك

صح لسانك وسلم بنانك



قصيدة رائعه بروعة حضورك



لك تقديري