( 1142) لغز لعباقرة الالغاز/ وجودك حله وهو ساحل البحر

السلام عليكم ورحمة الله وبركاته
استلموا هالغز الجديد اتمنى ان يحوز على رضاكم
ونطلب السماح اذا فيه قصور
ملاحظه:المطلوب الاسم المحدد بالغز

يالي تقول السيف للغز مجرود=لغزي يقول السيف لازم تحده
لو هزتني بالسيف مفراص بالود=جسمي قوي الحيل ضربك يصده
انا الذي بالعين للناس مشهود=سورن بلا جدران محدن يهده
امشرعٍ بابي ولاهو ب موصود=ورجلن دخل بحماي غصبن نمده
اسافر شوف العين من غير مجهود=قضيت عمري بين روحه ورده
كم واحدٍ جاني من الضيق محدود=وانزاح عندي كل همن وشده
وسط الحمى لادورو شخص مفقود=تلقاه عندي ينوجد بعد مده
عندي بناتن ذكرهن دوم محمود=يلفن لداري عقب صلف المكده
اسمي ترى يتلى بالايات موجود=ويخص شخصن عين ربي ترده
اربع حروف اسمي ولايقبلن زود=النصف الاخر مطلبي وانت قده

صح السانك يابو هليل وبيض الله وجهك جزل وتجيب الجزل ياراع الجزااله
مميز واللغازك مميزه ماشالله عليك
اكرر وقول يابو هليل 0صح السانك مليون في مليون ولايسدون

يامراقبنا العزيز ابو مشاري صح بدنك الله لايهينك ويطول عمرك
كلامك يشجعنا ويرفع المعنويه لتقديم الافضل
في هذا الملتقى العزيز بيض الله وجهك

صح لسانك والله اني مطفي النور
والله يعطيك العافيه
بيض الله وجهك

	المشاركة الأصلية كتبت بواسطة الحب الباقي

	صح لسانك والله اني مطفي النور والله يعطيك العافيه بيض الله وجهك

صح بدنك يالحب الباقي
وانا طالبك تولع النور الغز مصنوع قبل ساعه
وخله الحل يسجل باسمك الله يطول عمرك

	المشاركة الأصلية كتبت بواسطة ابوهليل

	السلام عليكم ورحمة الله وبركاته استلموا هالغز الجديد اتمنى ان يحوز على رضاكم ونطلب السماح اذا فيه قصور ملاحظه:المطلوب الاسم المحدد بالغز يالي تقول السيف للغز مجرود=لغزي يقول السيف لازم تحده لو هزتني بالسيف مفراص بالود=جسمي قوي الحيل ضربك يصده انا الذي بالعين للناس مشهود=سورن بلا جدران محدن يهده امشرعٍ بابي ولاهو ب موصود=ورجلن دخل بحماي غصبن نمده اسافر شوف العين من غير مجهود=قضيت عمري بين روحه ورده كم واحدٍ جاني من الضيق محدود=وانزاح عندي كل همن وشده وسط الحمى لادورو شخص مفقود=تلقاه عندي ينوجد بعد مده عندي بناتن ذكرهن دوم محمود=يلفن لداري عقب صلف المكده اسمي ترى يتلى بالايات موجود=ويخص شخصن عين ربي ترده اربع حروف اسمي ولايقبلن زود=النصف الاخر مطلبي وانت قده

والله يابوهليل انه محبووووك حبكة معلم ههههههههههه

بيض الله وجهك ابدااااع صح الله السانك

وانا مطفي النوووور

واللغز اللي مثل هذا ماشوفه ههههههههه

لكن تدري اترك المجال للشباب لحل هذا اللغز السهل بالحيل ههههههه

تقبل تحياتي

	المشاركة الأصلية كتبت بواسطة ابن خيرالله الردادي

	والله يابوهليل انه محبووووك حبكة معلم ههههههههههه بيض الله وجهك ابدااااع صح الله السانك وانا مطفي النوووور واللغز اللي مثل هذا ماشوفه ههههههههه لكن تدري اترك المجال للشباب لحل هذا اللغز السهل بالحيل ههههههه تقبل تحياتي

صح بدنك يابن خير الله وشهادتك وسام للغز وصاحبه الله لايهينك ويعطيك العافيه
شرفني مرورك على هذا الغز

صح الله لسانك يابو هليل على اللغز الثمين وبيض الله وجهك
الرمعه تحت الدراسه

	المشاركة الأصلية كتبت بواسطة مضحي بن جمران

	صح الله لسانك يابو هليل على اللغز الثمين وبيض الله وجهك الرمعه تحت الدراسه

صح بدنك يابو احمد الله لايهينك ويطول عمرك
وانا بنتضارك

صح الله لسانك اخوي ابو هليل وش رايك بها الرمعه : :: (القرآن) والاصل فيه اربع حروف من دون ال
ولكن اللغز طلب مني ان اكمل اسمه الاخير وهو (الكريم) هذي رمعتي والراي عندك اول مره اسمع باللغز
اللغز لك ماشاء الله ولا لمن