عساك ما تسلم !!!!!!!!!!!!!!!!!!!!!!!!!!!!!!!!!!!!!!!!!!!!

عساك ما تسلم ولا يطيب فالك = عساك ما تلقى صديقا يحاكيك
عساك تقضي ما بقيلك لحالك = مانته لحالك غير همّك يخاويك
عساك تخسر كل جاهك ومالك = من وين ما سجيّت تقصر خطاويك
عساك تِكره من صغيّر عيالك = واللي يودّك يصبح وهو مجافيك
عساك بالأمراض و بكل هالك = وعساك ما تلقى طبيبا يداويك
عساك تبكي فقد عمّك و خالك = يموت أبوك وتدفن أمك بأياديك
عساك تِدفن قبل لحظة زوالك = تدِفن و ما واحد من الناس يبكيك
هذا !! اذا فكرت أو جا ( ف) بالك = تبدّل العشره وتخلف هقاويك
من بعد هذا الود تقطع وصالك = من بعد ما علقّتني يالغضي فيك
حرام حُرْمَ الدم والعلم جالك = من قبل ما يلمسك غيري لأذكّيك
أمّا معي تبقى ، حلالي حلالك = وألّا عساني لا أهتني كان أهنيك

وسلامتكم

===@@ حسن الحجيري@@===

ماقصر دعيت عليه في كل شي مابقي
الا تذكر اسمه
تقبل مروري

	المشاركة الأصلية كتبت بواسطة منصور الغيداني

	ماقصر دعيت عليه في كل شي مابقي الا تذكر اسمه تقبل مروري

سعدت بمرورك أخي منصور
الله يعطيك العافيه
بعدين اش تبغى فاسمه هههههههههههههه
بيض الله وجهك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة رابح الجحدلي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك ووجهك ابيض
لا عدمناك

إيش هذا كله يابو علي

ومن الحب ماقتل

ياجحيم سوا يانعيم سوا ههههههه

قصيدة معبرة بالمعنى ومكتملة فالمبنى

صح لسانك وبيض الله وجهك

	المشاركة الأصلية كتبت بواسطة بخيتان البشري

	إيش هذا كله يابو علي ومن الحب ماقتل ياجحيم سوا يانعيم سوا ههههههه قصيدة معبرة بالمعنى ومكتملة فالمبنى صح لسانك وبيض الله وجهك

صح بدنك يابن العم
يا ابيض يا اسود هههههههههههههههههههه
وجهك ابيض يا ذيب

الاخ القديرحفيدالحجيري

صح السانك وبيض الله وجهك على هذي القصيده الشامخه

تقبل تحياتي وتقديري

	المشاركة الأصلية كتبت بواسطة وليف الشوق

	الاخ القديرحفيدالحجيري صح السانك وبيض الله وجهك على هذي القصيده الشامخه تقبل تحياتي وتقديري

صح بدنك ووجهك ابيض يابو منى

لا عدمناك

الله الله

صح لسانك شاعرنا مدد بلاعدد

تقديري