محاورة سابقة مع بحر الكسرة

السلام عليكم

هذه محاورة مع الشاعر والأخ بحر الكسرة في إحدى المنتديات وكانت قبل سنة تقريباً

انقلها لكم وارجو ان تلاقي استحسانكم



بحر الكسرة=
ما اظن من جودكم نزعل=ما دام لك فالحشا مقدار
الشوق لابد ما نشعل=يخرج لنا النشر والإصدار

هزيم الرعد=
يا من لكم فالحشا منزل=من غالي الدّر والأحجار
قلبي رهيّف ولا يحمل=منطوقكم معشر الشعّار

بحر الكسرة=
معقول هذا الهوى يفعل=الزين جوره عليّه جار
الروح في داخلي تعتل=والقلب شبّت عليه النار

هزيم الرعد=
إن كان طير الهوى يبخل=لا بد في صفحته تحتار
لا نازع الروح وإستفحل=نلقى طريح الهوى منهار

بحر الكسرة=
القلب من ودهم ما مل=والشوق يعصف كما الإعصار
اسس بلى فالجسم وإنحل=يا ليت كل ما جرى ما صار

هزيم الرعد=
مثلك عن الود ما يجهل=كيف البحر يعجز البحّار
فالود لا بد تتحمّل=منته مخير ولا تختار

بحر الكسرة=
عطني دوا فالذي يحصل=يا صاح سيف الجفا بتّار
ودّي عطيته لهم بالكل=كثرالأمل طوّل المشوار

هزيم الرعد=
لا شك ان الجفا يشغل=مشاعر الود والتّذكار
طبع الظبي لا رهب يجفل=درّج معه وأعرف الأسرار
يمكن عن الود ما يسأل=وقصده يزيد الفؤاد أضرار
الود من جنب ما يكمل=يمنى قصيرة بدون يسار

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح لسانك


ابداع * ابداع


رائع ما قرأتة هنا


ودي وتقديري

صحت السنتكم وبيض الله وجيهكم على لابدااااااا ع الرائع

الله الله
طبع الظبي لا رهـب يجفـل

نعم نعم

صح لسانك يابوياسر وصح لسانك يابو سلمان
لحن جميل ورااااقي
كل الود

صحة الالسن بدع ورد في قمة الروعه بيض الله وجيهكم وشكرا هزيم الرعد على النقل

صحححححح الله السنتكم وبيض الله وجيهكم

ولحن راقي وجميل ومثير

فلله دركم

وحضرت أسجل أعجابي

اشكركم على مروركم وتعليقكم

لا عدمنا هذا التواجد وهذا الحضور المشرف

صحت السنتكم وبيض الله وجيهكمش

	المشاركة الأصلية كتبت بواسطة وليف الشوق

	صحت السنتكم وبيض الله وجيهكمش

صح بدنك ووجهك ابيض اخوي وليف الشوق

شرفني مرورك يا الغالي