ســــــــــــــنيــــــــــــــن العـــــــــــــــــــــمر

مرت من سنين العمر اربعيني= والله يعلم كم باقي بقية
اربع مراحل مامضى من سنيني= منها الطفولة آخذه الأسبقية
طفولتي فقدت فيها الحنيني= واقول ليت الأم ياليت حية
هذا وياكم من مرض محتويني= والوالد اتعبته بكثر الشكية
والوقت قاسي والعرب مدهريني= وابوي بحموله يقود المطية
ذي مرحلة من لغز مدفون فيني=وضحتها حسب الذي قيل لية
وذي عشر لافرحان ولاني حزيني= شباب ومراهق بليا هوية
وقتي يضيع وماش هم(ن)يجيني =غيرالأكل والشرب وإلا الاذية
ذي مرحلة فيها الجهل يعتريني= ليت الزمن يرجع لها لوشوية
والآن نبدأ وقت هزل وسميني= متخالط(ن)طيبه وخبثه سوية
لاشفت طيبه قلت ربي عويني= وخبثه لياجاني عزومي قوية
انهيتها و الحال طيب و زيني= ياليت طيب ايامها له مجية
وذي مرحلة ايامها حاكميني=من جمرها في داخلي الف كية
احزانها همي وذاتي حزيني=من وين ماجيها عليه عصية
وردت عد الماء وغيري مهيني=لي الشموس وله من البيت فية
لاصار واحد كيف احسبه ثنيني= ولاصار ميه كيف ماقول مية
وياكيف ببكي حي فالميتيني=والوقت بالاحزان خط الوصية
نبشت بعض وبعض باقي دفيني = تحت الضلوع العوج عنكم خفية
هذا العمر وإن كان باقي يبين =الله يعوضني على كل سية
دنياي ضاعت مابقى غير ديني= يالله تثبتني ليوم المنية
الحظ عاثر والليالي تعيني=وشربت صافي مرها حنظلية
من عادتي مبدي لغيري ونيني =واجامل الجلاس مبدي خطية
يسراي ماشافت عطيتة يميني =ويمناي تعطي دون رجوا عطية
ياليت وقتي للعرب يشتكيني=ونهي معاناتي بحل القضية
يالله سألتك ياعظيم اتهديني= يارب تقبلها مع اخلاص نية
ياللي قريتوها ويالسامعيني= معناي لي وحدي ولكم التحية

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك وبيض الله وجهك يابو نواف

صح لسانك يالذيب

	المشاركة الأصلية كتبت بواسطة أشقر الرياض

	صح لسانك يالذيب

صح بدنك يالذيب

صح لسانك


قصيده رائعه

	المشاركة الأصلية كتبت بواسطة أنـــــاواللـــــيـــــل

	صح لسانك قصيده رائعه

صح بدنك ولاهنت

صح لسانك اخوي بخيتان البشري
كلام جميل
الله يعطيك العافيه
/
\

	المشاركة الأصلية كتبت بواسطة ابوفياض النويمي

	صح لسانك اخوي بخيتان البشري كلام جميل الله يعطيك العافيه / \

صح بدنك ولاهنت

الله يعطيك العافيه ودايم اتحفنا بأكثربيض الله وجهك