ديوان الشاعر(بخيتان البشري)

بخيتان البشري=
سلام يا ملتقى ربعـي=جينا لكم والوفاء نبديه
الله لا يفـرق الجمعـي=درب الوصل يمكم نقديه
لافي=
يا مرحبا والوفاء طبعي=وأنت وِفِي والوفاء راعيه
ويالله يارافـع السبعـي=كلٍ حسب نيتـه تعطيـه
بخيتان البشري=
دام البقا والوفـا نبعـي=راع الوفا بالوفا نوفيـه
بعد الدعا نرجي النفعـي=من رب ما خاب مترجيه
قابل البشري=
ترحيب ياراعي البدعي=منا لكم بالوفـا نثنيـه
وحناعلى قولكم ندعي=الجمع ربي يبارك فيه
بخيتان البشري=
تبقى على العز منزرعي=ياراعي الطيب يا كاسيه
امثـالـك لمثلـنـا درعـــي=يالي فرسم المعاني بيـه

بخيتان البشري=
في ملتقى حرب حضرنـا=بدون سابق وعد موعود
جانا وفي عنه واخبرنـا=والطيب ناشد وله منشود
قرارنـا بعدهـا سرنـا=لدار الوفا والكرم والجود
ويالله على الخير قدرنـا=ونوفي وفا ربعنا ونجود
ويالله بالعلـم نـورنـا=دام القلم يكتب المسـرود
مـدام درنـا ودورنــا=درب الوفا بالوفا ممـدود
هات الجزل أمر مررنـا=ياهاجس الفكر دون حدود
مالك عذر لـو تعيذرنـا=ما دونها لا حشا مـردود
نخبرك زي منت تخبرنـا=تنقى لنا المفردة وتـزود
عن صافي الـود عبرنـا=للملتقى ولجميـع وفـود
وإن كان فالخطب قصرنا=المعذرة غاية المقصـود
سالم البشري=
ترحيب وافـي بشاعرنـا=أكبر من العـد والمعـدود
كبيرنـا قبـل أصغـرنـا=يفرح بشرواك يوم يـرود
وحروفنـا يـوم حررنـا=ترقى بجزل الحروف سنود
تعبيرهامـن ضمايـرنـا=واضح وباين بدون شهود
تنصاك من طيب خُطّرنـا=من عِد لاهل الصفا مارود
قدًامـك الـدار عمـرنـا=ويعلابكم صرحنا المشيود
الله بمثـلـك يكـثـرنـا=يافهد لافي فـدار فهـود
ومادامت الطيـب يأمرنـا=بوجودكم يثمر المجهـود
هـذي تحيـات صدرنا=ـفيها أملنـا بكـم معقـود
عن ملتقى حرب سطرنـا=باسلوب واضح بدون قيود
حروف تحكي مشاعرنـا=وتقدير فقلوبنـا موجـود

اسمع كلامي بلاش تـزن=مادمـت عـايـش ومتنـعـم
لا تجيك لحظة بها تحزن=وتصبح مع الناس متندم

يالي عطيتك غلاك بيدك=وتقول ضاع الغلا منـي
ماني على ضيعته ناشدك=إنته بنفسك ما تلزمنـي

القيل والقال ماهي قيـل=القيل منبع ولـه معنـاه
الأوله منهـج التظليـل=والثانية حسب ماوصفناه

ابوي من صُغر وصانـي=قال أسمع اللي بقوله لك
الكـل لـه عـقـل ولسـانـي=جابتك تحكم عليـك ولـك

بخيتان البشري=
يابو فرح استمع شكواي=من جيل في وزنته خفي
فانوا علينا بهاي وباي=ينطق بها المقبل المقفي
ابو فرح=
ترحيب بااللي طلبنا راي=في جيل عن مذهبه لفي
لو البنا ساسه البنـاي=ماحد عن الدرب ينحرفي
بخيتان البشري=
لاشك مثلك فهم معناي=بعد البقا سطره حرفـي
ودي تحلق معي فجواي=ونستنتج حلول له تشفي
ابو فرح=
مبداك طابق على مبداي=ولاراح فاالحل نختلفـي
ابليس والغرب والغواي=من عنّهم غضوا الطرفي
بخيتان البشري=
حطيت يمناك في يمناي=والكل له نار ما تطفـي
ياكيف نعرف دواء لداي=ونحلل الوضع بالطفـي
ابوفرح=
الاولـه ذكــر النـسـاي=بالحلـم والعلـم يعترفـي
والثانيه مااختلف رجـواي=لعـل بعـد الفكـر يلفـي
والثالثه ان كان ماهو جاي=لابـد بالسـوط ينكـرفـي
ومابين طايسون وبين كلاي=يصبح على البقس والكفـي
حتـى يعـذر فيـاي وواي=ويمشي على النهج والعرفي
هذا قراري وهـذا مضـاي=لعـل فيهـا الـدوا يكفـي
بخيتان البشري=
فلأوله منطـق الحكـاي=منبع من الدين مايجفـي
والثانية فالرجـا مقنـاي=عن ماضي الفعل ينكفـي
والثالثة العنف هو بلواي=ويرجع الجيـل للخلفـي
ما باقي إلا تقول إنـداي=ويصبح الجيل محترفـي
الكل يدعي لهم ودعـاي=انشوفهـم دوم فالصفـي
سعيت وانته على مسعاي=والله عن ذنوبنـا يعفـي
يامنبع الطيب خصم عداي=لك قدر فقلوبنـا يضفـي

بخيتان=
قلبي شكى نظرة عيونـي=وسألتهم واثبتـو دعـواه
واحترت فأمري افيدونـي=امشي عمى أو اعيش الآه
لافي =
لاتترك القلب مرهونـي=للطرف والي معه سواه
درب العقل قيل مأموني=خلك مع العقل في ممشاه

اللي يسولف عن الخافي=خافيه والخلق تضحك له
مرمى لتسجيل الأهدافـي=ما حس بالنقص في عقله

كسرات بيني وبين الشاعر بخيتان البشري=
بخيتان=
مع فجه الصبح ياعالم=غزال صدفه قطع دربي
لديت يمه وبه هايم=وابليس ملعون يلعبي
من شوفته يفطر الصايم=لولا الحياء لحضنه غصبي
فهد=
طلق النضر يافتي يالم=مايكسب ايجاب لك سلبي
بتعيش متريح وسالم=من البيض لاتطمع بقربي
ولا ابشر بضنك لك دايم=وبرجلها تروح ياحربي
بخيتان=
يابو غلا منهو الضالم=لاصار ذنبه مهو ذنبي
لوكان شفته وهو قادم=لتضيع الجمع والضربي
اشقر والارداف تتلاطم=واحالتي آه واغلبي
فهد=
دامك على الشوف متغانم=شاركته الذنب ياقلبي
وخليت له خافقك والم=يركي بميسمه ويشبي
والحين من فعلتك نادم=عزلك لاذعذع الغربي
بخيتان=
راعي الهوى لفرصه غانم=في اي لحضه بها يصبي
والنفس خضراء بها عالم=مالومها هي تاثر بي
يابو غلا ليتني خادم=لعيونها ماحلا القربي
فهد=
كانك مع النفس متحازم=تراك بالطيش متدربي
ماهو معاك الهوى لايم=في دقنك الشيب قد شبي
وليا متى ونت به عايم=ونار الجفا فيك تشتبي
بخيتان=
الحب لاشك له فاهم=وراعيه مافاده الطبي
ماجيت مع غيرى اتقاسم=سباح واعوم فالغبي
لاصرت مغرم وهو غارم=نسقي بعضنا من العذبي