( موعضه لزوار المنتدى)

/
/
/
/
/
/
/
/
/
/
/
/
/

يالآدمـي غـرك بوقتـك تهقويـك=تحسب الحيـاه ادوم سلـم وامانـي
لا والـذي قالولـه النـاس لبيـك=وصاموله الوقفه وشهر ارمضانـي
لو طولـت لـك بالفـرح ماتهنيـك=تـدرج رحاهـا بختـلاف الامانـي
بـدورة ٍ تطحـن سنابـل امانيـك=من اعلى قممها تطرحـك للمثانـي
الوقـت غـادر صحبتـه ماتسليـك=مثل الصديق الشين واردى كمانـي
والصحبه الشينه حـذاري تخاويـك=واحذر من الصاحب ليا صار دانـي
كم من صديق ٍ ماتسـره عوافيـك=يزرع لك الغامـه عيـان وبيانـي
كن متكل بالله علـى مـن يعاديـك=ومـن اتكـل بالله ماهـو مهانـي
والحقـد قاتـل والشماتـه تحافيـك=وترى الجهل محسوب ضمن الجناني
واصبر ولو كثرت بوقتـك بلاويـك=والصبر شيمـة جيديـن الايمانـي
عواقبـه تنصـف ولابـد ترضيـك=لـو طولـت لازم تـزف التهانـي
ومافات فات ولا تحسـر لماضيـك=وماتملكـه مفقـود والعمـر فانـي
ولاتعيش بالغفلـه بغفلتـك ياتيـك=من يسرق الارواح سبـق الثوانـي
والموعضه خير ٍ من النار ينجيـك=والله يرزقنـا فسـيـح الجنـانـي
واصغي لمن ياعضك ذهنك واذانيك=وادرك امورك قبل فـوت الاوانـي
كتبـت لـك يـالادمـي ماينبـيـك=في منتدى ضـم العلـوم السمانـي

الشاعر/ خالد بن عبيد بن بن معتوق الاحمدي

صح لسانك ياصقر المراقيب

صح لسانك
وبيض الله وجهك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

خالد الهيبي
اشكرك على مرورك العذب
وصح بدنك

صح لسانك ياصقر المراقيب والله يهدينا الي مايرضيه عنا لاهنت احسنت

الف شكر لك اخوي حمود الغيداني
على مرورك العطر

الحب الباقي
الف شكر لك