قضيت لي وقت في بابل (ياقابل)

قضيت لي وقت في بابل = مهما الزمن طال صعب انساه
لكنه اليوم ياقابل = ماغير ذيبه يجر عواه

الله يعطيك العافيه وصح لسانك اخوي

ياسلام يابو عمر صح الله لسانك

وبيض الله وجهك

ابداع من بابل الى قابل

ننتظر ابويزيد ليكتمل الابداع

تقبل مروري

	المشاركة الأصلية كتبت بواسطة حرب

	قضيت لي وقت في بابل = مهما الزمن طال صعب انساه لكنه اليوم ياقابل = ماغير ذيبه يجر عواه

لاتذكرالفايت الراحل=وتزيد حالك على ماجاه
ياحرب لاتلتفت واصل=قدامك الدرب يا ما احلاه

	المشاركة الأصلية كتبت بواسطة قابل البشري

	لاتذكرالفايت الراحل=وتزيد حالك على ماجاه ياحرب لاتلتفت واصل=قدامك الدرب يا ما احلاه

من بعد تاريخه الحافل=صار الذي ماتوقعناه
ولابد مانراجع الحاصل =الي جرى وسبب الماساه

	المشاركة الأصلية كتبت بواسطة حرب

	من بعد تاريخه الحافل=صار الذي ماتوقعناه ولابد مانراجع الحاصل =الي جرى وسبب الماساه

ياشينها غلطة العاقل=بالحيل ياشينها شيناه
لكن يمكن دخل داخل=وزين له ابليس ماسواه

	المشاركة الأصلية كتبت بواسطة قابل البشري

	ياشينها غلطة العاقل=بالحيل ياشينها شيناه لكن يمكن دخل داخل=وزين له ابليس ماسواه

انته وانا نعذر الجاهل=وصاحب العقل ماعذرناه
معقول بنيان متكامل=هاين على اهله يهد بناه

	المشاركة الأصلية كتبت بواسطة حرب

	انته وانا نعذر الجاهل=وصاحب العقل ماعذرناه معقول بنيان متكامل=هاين على اهله يهد بناه

من يلبس الحق بالباطل= جاهل ودرب الصواب اخطاه
واللي معه فالخطا جامل=للحتف والتهلكة وداه

صح الله لسانك ياحرب

وصح لسانك يابو يزيد

مبدعين دائما

الله عليكم يارجال أبو عمر أبويزيد
صح الله لسانيكما وسلم بنانكما وأدام بيانكما
بدع ورد رائعان ومنتظرون لماستسفر عنه هذه المحاورة
سعدت بمروري فتقبلا تحياتي