قصيدة ترحيبية اثناء اجتماع حرب عند ابن مبيريك

مرحبا بضيوف حرب ومرحبا برجال حرب = خذ تحيات كما ذوب العسل باديبـــها
مرحبا ياحرب ياللي ماقنو هـــيما وجرب = يارجال تاخذ الزينه ولا ترميبــــها
حرب في كل المواقف لا حصل شده وكرب = ياخذون الفوز من خبث النفوس وطيبها
حرب وان جات اللوازم جوك من بعد وقرب = نجدة المظلوم دايم والمصيب ايصيبــها
حرب ياما عميت الارياء يحـــلون النشب = يعرفون المخطيات ويعرفون مصيبــها
حرب ممشاها على وضح النقا مافيـه ذرب = وان عطوك عهود توفيها ولا تهفي بـها
ياخذون الدرب الا بيض مامشو مع كل درب = مامشو بعض الدروب اللي تباين عيـبها
مكرمين الضيف من بن ومن كبــش وحب = حرب اهل شيمه واهل نخوه وذا ترتـبها
عاش من جمع قبايل حرب من شرق وغرب = اجتمع شمل القبيله في مرابع ذيبـــها
قدم الدعوه وجوله كلهم عن طـــيب قلب = شيخ راع الا وله قسمه وهو ضاريــبها
من قديم الوقت بيت شيوخ في الميقاف صلب = من سرح بالوافيه في المسا يضويبــها
والفضل لله وللعهد الســـــعودي ياعرب = راية التوحيد قامت والعرب تمشي بـها
ما بقا في الدار سلب ولابقــاحرب وضرب = امش من شرق الجزيره لين تصل امغيبها
كثرت الخيرات في الا وطان والامن استتب = عاشوا ال سعود عاشوا دعوة ندعيبـــها
قلتها وانا العبيدي في مقلط شـــيخ حرب = عزوتي حربي وتزهاني واناراضيبــها

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

اخوي الحب الباقي حياك الله وجهك ابيض يالغالي ماهي الابمرورك
لك كل الاحترام

صح لسانك قصيده جزله من راس جزل
دمت بكل خير

صح بدنك الرمح المزبرق شاكر ومقدر مرورك يالغالي

صح الله السانك


قصيدة عانقة السماء بجزالتها وأبداعها

تحياتي لك

حسين بن مريع
،
صح بدنك حتى ترضى
،
جزل
،
الله يحفظك

اخوي راعي البل ا سعدني مرورك صح الله بدنك لك تحياتي

وانتم على طول المدى والتواريخ= اهل الشجاعة والكرم والمروات
سباقة للطيب مثل الصواريخ = فا الطيب ماشفنا عليكم زيادات

شكرا اخي ابوسامي اسعدني مرورك وزاد متواضعتي جمالا
تقبل تحياتي وشكري

حياك الله يا أبو مشاري ماعليك زود اخوي حفظك الله