صورة و قصيدة

صور و قصيدة

يا باب ياللِّي راح نصفك مع الوَقْت= مِتْشبّث(ن) بجدار بيت الاحِبَّه
تشكي فراق اهلك الى امسيت أو فِقْت= و تبكي على اللِّي تعَّبِكْ في مِشبِّه
يا كثر زوارك منوَّلْ، و لا عِقْت= تفتحْ لهم ذِرْعان جود و محبَّه
و يا كثر ما فاخَرْت في زينِك و مِقْت= و اليوم وجهك وَصفة(ن) للمسَبَّه
و اليوم الى دشِّكْ خشاش(ن) تغَلَّقْت= و كبدِك من اللِّي حاصل(ن) مِسْتِصِبَّه
قدامك المجباب قد ذاق ما ذِقْت= سواقفه طاحت و لا احد(ن) يطبِّه
الظاهر اني في وصوفك توهّقْت= راسي مصَدِّعْ و اجْوَد الشِّعر كَبِّه
يالآدمي مهما بداركْ تعلَّقْت= يجيك يوم(ن) كدر كاسك تعِبِّه
دنياك ما تومَنْ و لو زانتِ و رِقْت= تبغَتْ فريستْها غَدِرْ ما تنِبِّه

يا ليت المشرف يحذف هذه المشاركة المكررة

وله شكري بعد الله و امتناني

	صح لسانك يا الصييفي يعطيك العافيه

	المشاركة الأصلية كتبت بواسطة حسين المعمري

	صح لسانك يا الصييفي يعطيك العافيه

صح بدنك يا حسين المعمري

مرورك أسعدني

عافاك الله

صح السانك الصييفي وبيض الله وجهك

الصوره معبره والقصيده تشرح معاناه الحقيقه ابدعت الله لايهينك

	المشاركة الأصلية كتبت بواسطة جريح الفرقا

	صح السانك الصييفي وبيض الله وجهك الصوره معبره والقصيده تشرح معاناه الحقيقه ابدعت الله لايهينك

سلمت يا جريح الفرقا
وجهك ابيض

شكرا على تشريفك

لا هنت

دنياك ما تومَنْ و لو زانتِ و رِقْـت=تبغَـتْ فريستْهـا غَـدِرْ مـا تنِبِّـه

صح لساااانك يالصيفي لاهنت

	المشاركة الأصلية كتبت بواسطة عيسى العوفي

	دنياك ما تومَنْ و لو زانتِ و رِقْـت=تبغَـتْ فريستْهـا غَـدِرْ مـا تنِبِّـه صح لساااانك يالصيفي لاهنت

صح بدنك يا عيسى العوفي

شكرا لك على حضورك

تحيتي لك

صـــــــــح لساااانكــ اااخوووي ...

ويعطيكـــ ااالعاافيه ولاهنت ...

كل االتحااايااا

	المشاركة الأصلية كتبت بواسطة عبداالعزيز االحربي

	صـــــــــح لساااانكــ اااخوووي ... ويعطيكـــ ااالعاافيه ولاهنت ... كل االتحااايااا

مرحبا بك يا عبد العزيز الحربي
و صح بدنك

شكرا لك على تشريفك

تحيتي لك