عّشرة أحلاف

=( عَـشرة أحلاف )
قـالـت مدامك شاعـر وتضـبـط القاف = أبغاك تكتب في جمـالي قصيدة
أبغاك توصف .. بس من دون اسراف = لا تدخل بوصـفـك على ما نريده
أبغاك تـبـحر فـي الـمشـاعـر بـمجداف = وتكتب من أشعارك بيوت ٍ جديدة
أبـيـات فـيـهــا ذوق شـاعـر وعـرّاف = يكـتـب من أفـكاره معـاني جويده
قلت أشهد إنك محتوي كـل الأوصاف = وفيك المـزايا والـخصـال العديدة
فـيك العـذوبـة والـذرابه والإلـطـاف = فـيك الجـمـال الـحر زايد رصيده
فيك الصراحة والملاحة والإنصـاف = فيك الشعر لا قـيـل يـحلى نـشيـده
واللـه مـا بك من عـذاريـب وخـلاف = العـيـب مـثـلك عـن دروبه بعـيدة
زين الصـبايا والعـذارى والأشـراف = زين المهــا والـريم دره فـريدة
الزيـن فـي خـدك وبسمـتك يـنشـاف = والزين يتبع سيده .. وأنت سـيده
وآخر كلامي .. لو تبي عشرة أحلاف = أبختصرها لك في جملة مفـيدة
كل الجمال أصبح على جسمك لحاف = أصل الجمال أنتي .. جمالك يزيده
= شعر/ضيف الله البدراني (أبووليد)

ابو وليد البدراني

صح لسانك قصيدة رائعه بروعة شاعر مبدع في

اختيار الدرر التي حوتها كلماته العذبه.

لك كل الود والتقدير

صح السانك يابو وليد كتبت فأاجدت

قصيدة جميلة أبو وليد ، تشكر عليها شكراً يكتب بماء الذهب .

ابو وليد صح لساااااااااااااانك وتسلم على االابيات الجميله

الف تحيه

صح السانك ابو وليد قصيده جزله الله يعطيك العافيه


لاهنت

الأخوه الكرااااام أبو عادل وبن هديبان والغيداني وبن العم محمد عبد المحسن البدراني وجريح الفرقا أسعدني جدااااً جداااااااً مروركم العطرررر وتسلموووون ...

صح السانك ابو وليد

ولاهنت

تحياتي

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسانك
ولاهنت