الشاعر قابل البشري ----- ولافي ---- في أبيات

ثلاث أبيات كتبتها في ( بوح القلم )
،
ورد عليها الشاعر قابل البشري(الجمل)
،
بالأبيات ( 9-10-11 ) وحاولت أن أربطها
،
بكم بيت عسى أني جبت من الشيء شيء )
،

قال الذي جاء له مع النوم دوار=وأصبح من الباكر ونومه ينوده
ياشين حظي لاغدا صيد بحار=في سجن حجاجٍ تحفه جنوده
يمسي ويصبح في دهاليز الأقدار=في وسط زنزانة ولا أحدٍ يروده
من بعد ما جاء للفرج عدة أمتار=صابر على بلواه حافِظ سدوده
عوَّد عليه اللي بلا سابق إنذار=تقدح بروقه والمخايل تقوده
ساقت هماليله عشية بالأمطار=وأرزم عليه اللي تخوِّف رعوده
ومن بعد ماسج المعاني بالأخبار=أقبل جمل زايد مع الناس جوده
قال الله أكبر جابني شبة النار=وأقول للصاحب بعد جيت أروده
أناجمل والبر معروف لي دار=مالي ومال البَحْر بيضه وسوده
دايم على شيل الثقيلات صبار=يوم ان غيري ماتقله جهوده
مشيي عدل ماعندي يمين ويسار=كلن حسب مبداه ياخذ ردوده
قلت ياهذا الجمل وقتنا دار=ولعل ثقل الحمل ما الله يعوده
وأنا أشهد أنك من طويلين الأشبار=نعمين ياللي موردي مع جدوده
لكن .. توكلنا على حق ستار=الواحد اللي .. ما انتعدى حدوده

صح لسانك يا لافي

ابدعت في موضوع القصيده وأشكرك على جزالة الأبيات

تحيتي وتقديري لك

صح السانك وبيض الله وجهك
قصيده حوت الجمال والروعه والابداع
الله يعطيك العافيه
تحياتي لك

صحألسنتكم وبيض الله وجيهكم

لكم خااالص التقدير

صح لسانك وبيض الله وجهك أخوي / لافـــي

ابيــات جـزلـة مـن شـاعـر جــزل

الله لايحرمنا بـوح قلمكـ العــذب

وربي يوفقك ،،،

أخوك/
بندر الزارع الزغيبي

بيض الله وجهك ياخوي لافي

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

تحية وتقدير لك اخوي لافي على هذه

القصيده التي تحمل اسماء المعاني

ويستاهل المقصود بها .

تسلم وبيض الله وجهك وصح لسانك

لك كل الود والتقدير

ابوهاني لك جزيل الشكر
على مشاعرك النبيلة وأنت شاعر من كبار شعار الملتقى
أماربطك لأبياتي المتواضعة مع أبياتك فقد جاء سلسا سهلا وقد نجحت بامتياز في مزجها
ان صح التعبير وهذا ليس بغريب على شاعر متمكن مثلك
وتقبل خالص الود

صح لسانك وسلم بنانك



قصيدة رائعه بروعة حضورك



لك تقديري