غادر ...تلطف بضحك اسنون ...................... ( عبد العزيز الزويهري )

"
"
"
"
"
"
"
"
"
"
"

ياكيف قلبي غدا مطعون =من ناعم الكف آلامه
غادر ...تلطف بضحك اسنون=والقلب مشغول فكرامه

يا وجه الله

حلبان خفي على فواز = شهرين ويبعد عن أجواءك

ياسلام يابو محسن

صح لسانك ونحن في انتظار ابو عزيز

أكويه لا ترحمه تعاله مع الطريق اللي ما يبغاه (تكفى يابو عزيز)

	صح لسانك كسرة رائعه والله يـعـطـيـك الـعـافيـــــــــــة بيض الله وجهك

صح بدنك ايابو خالد

ولازم تمل الكسرة

حلبان خفي على فواز ........................شهرين ويبعد عن أجواءك


أنتظر

	المشاركة الأصلية كتبت بواسطة فواز الزويهري

	" " " " " " " " " " " ياكيف قلبي غدا مطعون =من ناعم الكف آلامه غادر ...تلطف بضحك اسنون=والقلب مشغول فكرامه

لاحول ولاقوة الا بالله

يا خوي ناااااااام مع الظهر يعني قيّل

و خلك قريب يا ابو خالد فواز علومه علوم

وش ترتجي من حسين اللون = غدّار و الغدر هندامه
خطاك من مبسمه المفتون = اللي غدابك على ليامه

بعدم الألم شفتكم تنهون=النهي ..مايطبب اسقامه
كان الرجا بالدوا تاتون =جراح واشرف على اعدامه

	المشاركة الأصلية كتبت بواسطة فواز الزويهري

	بعدم الألم شفتكم تنهون=النهي ..مايطبب اسقامه كان الرجا بالدوا تاتون =جراح واشرف على اعدامه

اللي في نهج المعاني دون = ممشاك لا يتبع أقدامه
لا تكون في الدايره محزون = انساه و اطوي على أيامه

	المشاركة الأصلية كتبت بواسطة عبدالعزيز الزويهري

	اللي في نهج المعاني دون = ممشاك لا يتبع أقدامه لا تكون في الدايره محزون = انساه و اطوي على أيامه

مسجون في داخلي مسجون = كاتب على القلب باقلامه
ياكيف بانسى عجيب النون=والقلب ما ينهي احلامه

	المشاركة الأصلية كتبت بواسطة فواز الزويهري

	مسجون في داخلي مسجون = كاتب على القلب باقلامه ياكيف بانسى عجيب النون=والقلب ما ينهي احلامه

يا كم عاقل غدا مجنون = و من حالته نشرت أفلامه
لا تقول في داخله مرهون = امحي عن القلب مرسامه

	المشاركة الأصلية كتبت بواسطة عبدالعزيز الزويهري

	يا كم عاقل غدا مجنون = و من حالته نشرت أفلامه لا تقول في داخله مرهون = امحي عن القلب مرسامه

مايرخص الجوهر المكنون =إلا الذي يجهل اكرامه
الود ماهو لعب ويهون=ماشي على القن باحكامه