عديت في مرقـاب دونـه غمامـه **مزبن جلال الصيد والذيب سرحان

.عديت في مرقـاب دونـه غمامـه =مزبن جلال الصيد والذيب سرحان
ماكل مـن رازه طمـع بالسلامـه=الموت دونه ولا بدا فيـه نشطـان
اشدا لحـرً جـاوزه فـي محامـه=يشرب هواه ولاهو اليوم عطشـان
وخيّلـت كـل اوديتـك ياتهامـه=حتى البحر خلته كما خوط دخـان
وهيضت من خاطري بأجود كلامه=مثايلً مثل الذهـب فـوق ميـزان
الرجـل مايمشـي دروب الندامـه=يعز نفسـه مايجـي درب خـذلان
درب الوفا يمشيه لوهـو ظلامـه=لامن بداله حـال نـادوه يافـلان
ولاكل تاجـر مكسبـه بأنتضامـه=لابد مايطلع من السـوق خسـران
والحـر مايشـدا لطيـر الحمامـه=والنار ماتصرم على غير عيـدان
شفي على البرنـو قليـل السوامـه=متزينه ماهى على يديـن ورعـان
ماباعها القناص ولارمت من سهامه=تنزح مراميها على شوف الاعيـان
واللي صنعها حـط فيهـا علامـه=لامن يهود الشام ولاهـي للاسبـان
صويبهـا عيـت تقلـه عضامـه=ولـولا الذكـاه ان كان ذكّـي بنيشـان
ويالايمي فالصيـد مالـك ملامـه=ماشاقك الجازي ولاانتـه بولهـان
ماشاقك الجـازي نهـار انهزامـه=يوم الرمي فوقه كمـا هطـل ودان
وتباشروا بالصيـد بعـد انعدامـه=يوم المصيّح وايق الضلع فرحـان
وجونا سـواة مفزعيـن الجهامـه=ولا السباع اللي عدت باول الضان
كلٌ يقـول ان الغـدا باستـلامـه=وارتاح يالرماي لو ما انت تعبـان
وياجاهل المقنـاص هـذا تمامـه=وباقـي سوالفنـا بدلـه وفنجـان

...صح لسانك ولاهنت ....
قصيده جزله

	الله يـعـطـيـك الـعـافيـــــــــــة على القصيده وصح لسانك مليون بيض الله وجهك

قصيدة كلها عذوبه وجزاله ..
ومساحة للجزالة هنااا
صح لسانك يالذيب وسلم فكرك
دمت

،
المزبان
،
تسلم مليوووون
،
كفو والله ، الله يبيض وجهك
،

صح لسانك على هالرائعه
لاهنت
وتقبل تحياتي

صح لسانك
جــزلة ياراعي الجــزلات

صح لسانك ملاييييييييييييييين



شاعر جزل اطرب لقصائدك



لك تقديري

صح الله لسانك وبيض الله وجهك

جزل لا عدمتك

تحياتي

صح الله لسانك ولاهنت


قصيده وافيه من وافي