المواجهـة - ملتقى قبيلة حرب الرسمي

[/table1]

قالت تراني ناويه باكر أنهج=عقب العصر للسوق لي فيه حاجة
لكن مابيك تصير يافلان محرج=كأنك على ماقلت نبي نتواجه
قلت أسمحي يابنت بس أتفرج=على جمالٍ فاق زين الخواجة
وقفت أراقب طلعته يوم يخرج=مشتاق له والقلب شوفه مزاجة
مرت وكنه في خطاويه يغنج=مشي القطا مع وقفته وادراجة
ساعة دخلت السوق شفته وأنا أرتج=ضاقت بصدري فرحته وابتهاجة
شفقان وأخاف أشوف عرفٍ ويزعج=وقفة ورجلي عجلةٍ في مداجة
سلمت عليها ماقدرت أكمل الهرج=عجزت أقاوم ضحكةٍ في حجاجة
وقلبي بغى من بين الأضلاع ينفج=عزاة قلبٍ في جماله تفاجة
شاف الحلا والزين بعيونه الدعج=وعكشٍ على الوجنات فيها انعواجة
شاف بالجبين ابروق صيفٍ تلاعج=يضوي بياضٍ كنه لمع الزجاجة
شاف بالثغر من لون جمرٍ توهج=من بينهن مثل البرد بنفلاجة
والله لو بالسوق ماشوف دايج=لاقول وأقول وعند ربي افراجة
لاشك أنا يازين عليك أبحتج=قلبٍ جرحته أنت أنت اعلاجة

[table1="width:95%;"]

[/table1]

التوقيع :