هـذا الـصحيح وعـلـم مـافيـه تنقيص

لاوالله الـى زل وقـت المـقـانــيـص=والقيض حل وتـشوي الطير شمسه
والعـج ثـوّع من تـناقـيب لخـريص=واناعلى التوزيع مـع سور غـمـسه
والكـوس لاهبّت تـجـيب الـقماريص=وظروف وقـتي محرقه كــل حمسه
واكـثر شماريخ النخل كـلّها شيص=وقـتٍ تـغـيّر بـيـن فـركه ولـمـسه
لـوا خـسـارة وقـفـتي ياحـبـيليـص=مـع وحـدٍ من طال صبره ايعـمـسه
صحيح ولد النيـص يـبـقا ولد نـيص=ومـن ينكر المعـروف ودّك اتـحمـسه
شـطرٍ شقرته له معـاني وتخـصيص=يحتار بعـض الناس باسباب طمـسه
والـله يـالولا الـله ولا عـنه تـحـويـص=لاحـط في كبده مـن المـشـط خـمسه
وارتـاح مـن رجوا الطلب و المخاليص=والذيب لـه مع غـفلـة الناس رمـسه
واللّي عيونه حول مدري مـشـاويـص=فـي منقع المغراب خـشمه انغـمـسه
هـذا الـصحيح وعـلـم مـافيـه تنقيص=يـامـرخـي سموعـه عـلى كـل همسه

التوقيع مساعد الجليدي

صح السانك لاهنت

شاعرنا القدير
وان ضاع المعروف
عند الانذال ماضاع عند الله
لاهنت يا حربي

صح لسانك وبيض الله وجهك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك
..
..
أسجل اعجابي بالقصيدة
..
ويعطيك العافيه ..

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

ياسلام عليك

صح السانك

تحياتي لك