الشـام

يالله يا المعبود يا خالق الكـون = يا عالم(ن) بأسرار قلبي الدفينـه
يا واحد(ن)ما غيره الناس يدعون = تلطـف بحال اللـي رفـع لك يدينـه
يا الله لك بالشــام نـاس يصـلـون = شعـب علـى مـافيـه يا الله تعـيـنـه
أحوالهـم مًنَ دون في دون في دون = ومافيه منهـم مًنَ سلـم مًنَ ونينـه
الطفل والشايب على طـول يبكـون = وما فيهـم اللي مامسـح دمع عينـه
وما فيه بيت إلا مًنَ الحزن مسكون = وقلـوب مـا ذاقـت طعـم للسكيـنـه
بشـار وكـلابـه عليـهـم يـدورون = وكـل يخيــر بيـن عـرضـه وديـنـه
كم واحـد من فعلهـم مات مغبـون = وكـم واحـد يعـذب وغيــره رهينـه
مالوم عاقلهم ولو صـار مجنـون = يـالله لا تــرحـم ثــرى لا يمـيـنـه
والمجتمع كله عن العنـف ينهـون = وكل يقـول العنـف حنــا نـدينـه
واليوم كن المجتمـع ماله عيـون = يشـوف كيـف الشــام صارت حـزينـه
يا الله من غيرك لهم عنـده العـون = سلــط علـى بشـار و منـاصــرينـه

صح لسانك
ياسمي وتم التنسيق

صح بدنك الله لايهينك

وما قصرت على التنسيق تحياتي وتقديري لك .

صح السانك لاهنت ابداع
لاشك
الله يفرج
كربهم
وحسبنى الله

	المشاركة الأصلية كتبت بواسطة الكحيلة

	صح السانك لاهنت ابداع لاشك الله يفرج كربهم وحسبنى الله

اللهم آمين صح بدنك

الله لايهينك تشرفت بمرورك

تحياتي وتقديري لك

هلا وغلا ياسمي

القصيده اذا سقظ فيها ابيات المعذره
ارسلها علي وتتم الاضافه او كتبها بالمتصفح حتى اضيفها

	المشاركة الأصلية كتبت بواسطة سعد المحمدي

	هلا وغلا ياسمي القصيده اذا سقظ فيها ابيات المعذره ارسلها علي وتتم الاضافه او كتبها بالمتصفح حتى اضيفها

هلا فيك وعساك تسلم ماقصرت إكتملت الله يعطيك العافية

الله يبيض وجهك ياسعد

قصيده عبرت عن الواقع صح لسانك

	المشاركة الأصلية كتبت بواسطة ابوهليل

	الله يبيض وجهك ياسعد قصيده عبرت عن الواقع صح لسانك

صح بدنك ووجهك أبيض يابو هليل

الله لايهينك شهادة منك اعتز فيها تحياتي وتقديري لك .

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك