( السّوء فالتخطيط حاصل ولاباس ) ...اسباب الكوارث

/
/
/
/
/
/
/
/
/
/
/
/
/

انا ارى مايجري اليوم فالنّاس=ممّا يغيّر بالوناسه نكاده
في موسم الامطار صاب التّوجّاس=تحصل كوارث ماجرت فيه عاده
يوم انّ بني البيت ماعمّق السّاس=مبناه طين وقلّ شاكي هداده
والبيت فيه النّاس جلاّس بوناس=لاجتهم الامطار جتهم سعاده
وان صلّوا استسقاء في قحط وايباس=كنّ السّحاب ايجاوب لصوت راده
لجل انّهم ماجاهم ابربّهم ياس=يلقون لطف اللي لطيف بعباده
ناسٍ نواياها خزت كل خنّاس=فيها معونه والصّفا له سياده
متكاتفين بخير وان كان في باس=والجار يرسلّه من الجار زاده
وآضنّ ذيك اجناس معدومة اجناس=الحيف يصدم عندهم بنتقاده
ضدّ الرّشاوي والرّبا رغم الافلاس=عكس الذي فاليوم ظاهر زياده
الخبث دافع غِلّ فيه الحسد ماس=هذا الذي خلاّ زمنّا قراده
وزود اختلاط ويجهر الذّنب الانجاس=ومن ينكر المنكر يذمّ اجتهاده
واليا حصل مايجعل الوضع محتاس=تكتب وتشكي حالها للقياده
وانا ارى مايجري اليوم فالنّاس=يدريبه العاقل ويظهر عناده
السّوء فالتّخطيط حاصل ولا باس=لاكنّ يسبق ذاك سوء العباده

الشّاعر / خالد بن عبيد بن معتوق ألأحمدي

السو فالتخطيط حاصل ولاباس لاكن يسبق ذاك سوء العباده }{ياسلام كلام جميل يصور الواقع والماضي واكيد الفرق شاسع صح لسانك يلاحمدي اجتهدت واجدت

تسجيل تواجد في منبر الجزاله
صح لساانكـ
بيض الله وجهك

صح لسانك


شاعر متمكن اجدت صياغة القصيده وموضوعها


تحيتي

صح لسانك


شاعر متمكن اجدت صياغة القصيده وموضوعها

شاعر المجتمع خالد عبيد
صح السااانك
مبدع يابن العم

صح الله لسانك
ولاهنت
وسلم فكرك وبنانك
دمت برعاية الله وحفظة

السلام عليكم ورحمة الله وبركاته
سلمت ودمت أخوي الشاعر صقر المراقيب على القصيدة .
.
.
جزله ورائعه وصح لسانك
أخوك ابوساره

الغالي الشاعر/ صلاح الحيسوني
صح بدنك
ومشكور على المرور العطر