سجيت اسلم و اتطمّن على عضيب

هذه الابيات قلتها عندما اخبروني بأن الشاعر العلم/ عضيب بن هليل الحربي يرقد بمستشفى الرس العام و قمت بزيارته و هذا واجب علينا جميعآ .. و نحمد الله على خروجه معافا.

سجيت اسلم و اتطمن على عضيب=و ابو بدر يستاهل اللي يجيله
راعي هلا للأجنبي و الاصحايب=و قولة هلا بعضيب دم و فصيله
و جيته وفاء ما ارسلت يمه مناديب = و لاهي غريبه للوفي عنوتيله
يسوقني يمه عديل المواجيب =سلك الحرير من الغلا ساقني له
وحيثه وفي راع الوفاء منقع الطيب=و الطيب كله و الوفاء ينتميله
من روس ربعن تحتمي شمّخ النيب=إليا لمس راس الزناد الفتيله
بني علي مافيه شكٍ و لاريب=يوم الملاقا و السيوف الصقيله
هداتهم يشبع بها الطير و الذيب=و عندي على ما اقول فيهم دليله
و ابو بدر منهم حصان الاطاليب=و ياقل يا اهل العرف مثله بجيله
يسوى قبيله من كبار المناصيب= و يسوى من اعيان القبايل قبيله
اللي وقف في موقف الزير لكليب=و خلا عميل القوم يبلش بحيله
و قفل على خصمه جميع الكلاليب=و خلاه عقب الطيش مثل الحليله
عضيب لطام الوجيه المغاضيب=ياحي و الله رأس سيف القبيله
سيف الحروب اللي بعيدٍ عن العيب=من هيبته روس العداء تنحنيله
الله يجيره من جميع العواقيب=و ينجيه رب البيت منجي خليله

نايف سليمان الطريسي

الشاعر / نايف بن سليمان الطريسي


صح لسانك و بيض الله وجهك على هذه المفردات الراااااائعة

و الشاعر العلم / عضيب بن هليل يستاهل اكثر

كﻵم جميل
يسلم فكرك .

صح لسانك
يانايف الطريسي
والعلم ابو بدر يستاهل المدح
الله يشفيه ويلبسه ثوب العافيه

الف سلامه لابوبدر

وصح لسانك يانايف بيض الله وجهك

نسال الله له الشفاء والسلامه
وصح لسانك الله يعافيك

الحمد لله على السلامه
وصح السانك وبيض الله وجهك

تسجيل تواجد في منبر الجزاله
صح لساانكـ
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة