عنآوين ..

السلام عليكم ورحمة الله وبركاته

اسعد الله مساء الجميع بكل خير

قصيده متواضعه يسعدني ان اضعها بين ايديكم

آمل ان ترتقي لسمو ذائقتكم .،


.,’ْ~ عـنــآ ويـــنْ~ْ}

ان كان تنشد عن احوال المحبيني =لاتتعب النفس لك بالعلم متبرع
حبه من القلب يجري مع شراييني =ومع ماتفرع عروق القلب .متفرع
إن جيت يمه عليه الشوق حاديني =وجيوش الاحساس يمه كلها هرع
تمنعني سلوم ربعي والقوانيني=ولا ادخل الباب لين اشوفه مشرع
انادي الناس لين الناس توحيني =ماامشي بدرب ٍ يشبّر فيه ويذرع
واقلط على الكيف من بين المياميني =مابين بارع على الترحاب ومبرع
وإليا جلسنا وسولفنا على الزيني =الوقت يقضي بسرعه كنه مسرع
لو كان عيني ماشافت داعج العيني =إلا بصور ماضيه.يوم انه مفرع
يوم انه إن مر ورد ٍ بالبساتيني =يفز فرحه .ولا اقفى طاح متصرع
بعد السوالف سريت وصفر ٍ يديني =واشوف قدمي بنات الضيق لي فرع
وقفت تقل اسمعه بإسمي يناديني =واقول انا ليه في ممشاي متسرع
مير النتيجه طلع وينه وانا ويني =واستسلم القلب للفرّع وهي درع
استجدي الحظ لعله لي يعيني =واظن منهن قبل لاياتن مكرع
هذي عناوين من بين العناويني =والصبر صبر ٍ منه كم عام متجرع

سيف سمير الهويملي الحربي





وسلامتكم ..

صح السانك لاهنت
ع
الابداع

يــوم*انــه*إن*مـــر*ورد*ٍ*بالبساتـيـنـي يفـز*فرحـه*.ولا*اقفـى*طــاح*متـصـرع


الشاعر سيف الهويملي


صح الله لسانك اخوي


تقبل اعجابي بهذا النص الرائع وهذه الغزليه العفيفه

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك ياسيف الله يعطيك العافية

صح لسانك
..
..
أسجل اعجابي بالقصيدة
..
ويعطيك العافيه ..

صح لسانك

قصيدة اكثر من رائعة

طبت وطابت لياليك وايامك

ياسلاااااااام عليك
مافيك حيله
هذي شيخة القصايد
صح لسسسااااانك
تقبل مروري

لاهنت وصح السانك

تقبل التقدير والاحترام

وفقك الله