واقلبي اللي منه عانيت .. في لحن مع الشاعر المعروف أبي فياض

هذا لحن سعدت به مع الشاعر المعروف قائد صف أملج والمربي الفاضل والصديق محمود عزازي .. أبي فياض ..
أرجو أن ينال استحسانكم .

أسير الغرام=
وا اقلبي اللي منه عانيت = رهافته وكثرة الآهات
من ظنه أنا الذي عييت=يعود له ما مضى ساعات
ما يكفي إني معه ضميت=صوتي – وحزني على ما فات ؟
لما أعذله تعجبه ياليت=ويحزن إذا أطريتها الهيهات
أبو فياض=
في مبتغى القلب لو سويت= مهما تسوى من الفزعات
عاداته القلب لا قاسيت=يبقى على سابق النزعات
له عالمه وين مالقيت=من وجد يستصرخ الهمات
قله لحكم الزمن خديت=ياقلب عهد الصبابه مات
أسير الغرام=
على اتجاهه معه ماانحيت=وجدي معه معلن الوقفات
أعلّله وكم عنه واريت=ما يذكره بسابق الأوقات
وكم قلت له يا فؤاد أعييت=روحي وعاشت معك لوعات
ومن العيون الدموع أجريت=والآن قصرت بي الهقوات
حتى عليه الصبر وصيت=يأبى وتشهد له الأنات
ويبقى كأني معه واليت =عليه من نزعته زافات
أبو فياض =
كونك بحكم الامر رديت=مستنفر الحرف والطاقات
صدق بعظم الالم حسيت=واشاركك واقع الاهات
انا مااقلك عليه اخطيت=او اتركه يعاني الحسرات
خلك على قدر ماعانيت=بين الحقيقه عن اللذات
مع ان بعض الذي ادليت=منهج عقل والشروح اثبات
لو تتبع القلب وتهقويت=ماتسعفك للرضا قدرات
لكن بالافكار لاتخلويت=لاتروح ابعد من اللحظات
مهما يتمناه وتمنيت=كل شىء له حد روح وذات
وسامحونا=

لكم تحيتي وتقديري