في مثل هذه الليلة من السنة الماضية ( ابو طلق x بخيتان )

كل عام والجميع بخير
ومن العايدين السعيدين


في مثل هذه الليلة من السنة الماضية
كنت لحالي في الخبت
وارسلت على ابو محمد هذي الابيات
والظاهر انه كان مناوب فالعيد

.

ابو طلق=
قضى الشهر والتهاني جات=كلن يعايدك برساله
أحدن بدع من صميم الذات=وأحدن من الوارد إرساله
والشاعر اللي في هاللحظات=ماجاد من صافي أقواله
لساع مابين شيل وهات=نشبان للحين فأشغاله
ماهاض ماحس باللذات=اللي تراقص مع هلاله
وآبو طلق شايل الأبيات=فالخبت ما غير مواله
هايض مع مداعب النسمات=كن السعد حازه لحاله
يرسل للأصحاب تبريكات=ما عمم اليوم مرساله
فال السعد شاف له آيات=يالله عسى فالهم فاله
ولعلها عالي الجنات=منزال صحبه ومنزاله
.=
بخيتان البشري=
قضى الشهر وابتدت دفعات=فيها المراسيل شغاله
احدن نقلها من الصفحات=واحدن كتب ماطرأ باله
وابو طلق راعي الجزلات=زود على حالتي حاله
ارسل عليه انا بالذات=حروف غنيتها لاله
مايوم خابت به الهقوات=والهم من داخلي شاله
اخوك يابو طلق مابات=غايب لبكرة عن عياله
هذا السنة حلت النوبات=ياصاحبي مالها وماله
تاجيه في اجمل الاوقات=وتبدل احوال بحواله
متى تعدل لنا هيهات=الكل منا على جاله
دام الفلك تحكمه دورات=عسى البخت حظنا ناله
وإن كان وإنه علينا فات=فالمقبلة قول لي قاله
ولك التهاني بمليارات=ولك السعد يفتح اقفاله

وكل عام وانتم بخير ومن العايدين ومن الفايزين

وصح الله السنتكم
وجعل ايامكم كلها اعياد

وعاده علينا وعليكم اعوام عديده
على طاعته وتقواة

	المشاركة الأصلية كتبت بواسطة الكحيلة

	وكل عام وانتم بخير ومن العايدين ومن الفايزين وصح الله السنتكم وجعل ايامكم كلها اعياد وعاده علينا وعليكم اعوام عديده على طاعته وتقواة

صح بدنك ياكحيلة حرب
.
منورة المتصفح

¨°o.O ( ×××××××) O.o°¨

صحت السنتكم
والله يـعـطـيـكم الـعـافيـــــــــــة
بيض الله وجيهكم

	المشاركة الأصلية كتبت بواسطة رابح الجحدلي

	¨°o.o ( ×××××××) o.o°¨ صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك يارابح
والله يعافيك
.
منور بمرورك
.

لحن رائع وكلام جميله

صحت السنتكم ملايين

دمتم بخير

	المشاركة الأصلية كتبت بواسطة ناصر القايدي

	لحن رائع وكلام جميله صحت السنتكم ملايين دمتم بخير

تسلم استاذي
وصح بدنك
.
منور المتصفح

صحت اللاسن وبيض الله وجيهكم

ومن العايدين

	المشاركة الأصلية كتبت بواسطة بحر الهوى

	صحت اللاسن وبيض الله وجيهكم ومن العايدين

صح بدنك ووجهك ابيض استاذي
.
وكل عام وانت بخير

الغالين ابو طلق وبخيتان
صحت السنتكم
كل عام وانتم بخير