تمت وياحرب فكاكت القيد ... اثنو على مسند ذريف اليديني

نزل الشاعر مسند بن سعود السبيعي جارا للمعابيد من حرب اكثر من عشرين عام ... ووجد
عندهم طيب المعشر وحسن الجوار ... وقد عبر لهم عن شكره بقصيده من عشرين
بيت قام بطباعتها وتوزيعها عليهم تجسيدا وتخليدا للعشرين عام واكثر من الجوار الحسن
استحسنت ان اضعها واضع الرد عليها امام انظاركم
كما انه هناك رد للشاعر المبدع غالي بن ربيعان

قصيدة السبيعي

قال السبيعي باديا شامخ الحيد=في مرقبا يصعب على الدالهيني
وجتني بيوت الشعر مثل المقاويد=واختار منها كل جزل وثميني
في مدح وافين الشبور الصناديد=جيراني اللي بالفعل زايديني
نزلت بالحاره جوار المعابيد=والله ونعم بجيرت الطيبيني
والله ونعم ونعم واقول واعيد=نعم الرجال اقولها كل حيني
رجال اهل جيره واهل طبيب تاكيد=يشهد بها الله والعرب شاهديني
كبيرهم واللي بسن ********=قبيلة للطيب متوارثيني
ديدنهم الشيمه ونبل المقاصيد=وعز الرفيق وتكرم الزايريني
جيراني اللي طيبهم دون تحديد=طول السنين وجيههم ماتشيني
عشرين عام حساب يالربع وتزيد=وانا مع رجال الوفا ساكنيني
ماحسنا منهم كلام اللواهيد=ولاضايقونا جعلهم سالميني
ياعل تفداهم وجيه المقاريد=اللي على جيرانهم قايميني
والحمدلله بيني وبينهم جيد=انا وهم بالطيب متبادليني
نسل الحروب مطوعين المعانيد=حرب العدو وللقرابه تليني
اهل الشجاعه والكرم يالاجاويد=وعلى فعول الطيب متواعديني
واهل السيوف الساطيه والبواريد=واهل الشرف والعز علما يقيني
واهل صلابة عنتر وعزم ابو زيد=واهل كرم حاتم بماضي السنيني
واهل الخوي والجار والضيف يافهيد=واهل موقفا يوم الموقف تبيني
واهل السلوم الطيبه والتقاليد=وعلى دروب المرجله سايريني
عشرين بيتنا في هل الطيب تجسيد=وصلوا على المختار ياسامعين

رد الشاعر/ خالد بن مبيريك

بديت باسم الله عليه المسانيد=سير امور ***** دنيا وديني
ياعبيد هات البن والهيل ياعبيد=واوقد لهيب النار والله معيني
ومن جمرها دور كبار المواقيد=اللي عليه الكيف طعمه يزيني
واختار من شقر الدلال المناضيد=وزين لنا فنجال للشاربيني
من كيف حرب اللي تروم المواريد=على عدود الجود متوارديني
وان قلت بالتحديد كيف المعابيد=كسابة الطاله مع الجيديني
وخص به مسند عديم المناقيد=الطيب اللي بالوفا محتريني
مسند وابوك سعود والنعم توكيد=من روسكم ياسبيع ماهو دويني
ماينجب فهود غير الافاهيد=نشهد بها والناس له عارفيني
والنعم بالسبعان من غير تحديد=تشمل جميع سبيع والسامعيني
اهل السيوف وباللقا يومهم عيد=زبن الدخيل وتحرب الطامعيني
نعم جار لنا ماجات منك المناكيد=عشرين عام نعد هذا السنيني
وتزيد وان زادت ترا طيبها يزيد=من زود طيبك ياطويل اليميني
اوفيت للجيره ونعمين ونعيد=ماينكر الاجواد غير اللعيني
وماينكر اهل الطيب غير المعاقيد=نكارت المعروف يامسلميني
الشاهد الله ماحصل منك تنكيد=مثلك على جاره دريك وحصيني
ومثلك عضيد الجار واقول تاكيد=في مجلسه فنجال للسامريني
ياكاسب الطيب لك المجد تخليد=شهادتن تمشي مع الناقليني
واوفت لك معبد ولاهو بتمجيد=يشهد بها مثلك من الخابريني
تمت وياحرب فكاكة القيد=اثنو على مسند ذريف اليديني

وسلامتكم

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح لسانك يالنشمي

وبيض الله وجهك بدع ورد قمة في الروعة

ونعم والله وسبعة \انعام بالمعابيد وبسبيع

لك خالص التقدير

رابح الجحدلي


صح الله بدنك ولاهنت
شرفني مرورك
++++++++++

فواز الزويهري

ماعليك زود يالذيب
لاهنت
شرفني مرورك

صح لسانك يابوماهر

وبيض الله وجهك

بدع جزل ورد جزل

لاهنتم وصح الله السنتكم



تقبلو التقدير والاحترام



وفقكم الله

	صحــت السنتكــم دمتم برعاية الله وحفظة

فايز المحيسن
الجـــــــــــرح
بن فرهــــــود

صح الله ابدانكم
لاهنتو على المرور