مغبش النتاف والعلم عنا //// في ثالث ايام عيد الفطر

بسم الله الرحمن الرحيم

"
"

السلام عليكم ورحمة الله وبركاته


"
"

هذي القصيده القيتها في ملتقى الشيخ // مغبش بن سليمان النتاف المعبدي// شيخ شمل قبايل معبد وكان ثالث ايام عيد الفطر المبارك في قصر الانوار في امارة البرزه

"
"


واتمنا ان تنال رضاكم واستحسانكم

يامرحبا ترحيب هيلن وبنّا = في حلت معبّد هل الفعل والشور
اعداد غصنن بالثماري تثنّا = وعداد نجمن فالسماء صاطع النور
تنمد لهل الطيب ثمر يتجنّا = في ملتقى شيخن من سلالة نمور
شيخن ولد شيخن قصوره تبنّا = مايختلي قصر الوفا دوم معمور
لنّه على ساسن جويدن مبنّا = فيه الكرم والجود مدهال مخبور
مايوم عن فاقات ربعه تونّا = يفز مثل الحر بالفعل مذكور
ياللي تبي اسمه ولي تسألنّا = اسمه ترى مغبش كمالنور مصطور
مغبش النتاف والعلم عنّا = ينتف رقاب القوم مايولي اظهور
وسموه بنتاف من ماظينّا = من قبل حكم العود لسيف دستور
أيام فيها الخوف ماخلفنّا = والمعتدي من سيفنا صار مدحور
للمعتدي سل السيوف المسنّا = ياكم مره شبعت سباع ونسور
من جيش جانا فالديار امتحنّا = راحو طشاشن بين ميت ومكسور
مايدري أنآ لاطعنا طعنّا = واليا عهدنا نوفي العهد مانبور
ابوك من بايع موحد وطنّا = فبرق الرغامه والمدافع على السور
ويوم بايع سليمان حنا قبلنّا = لنه حكيم الراي وفحكمته دور
لو بمدحك ياشيخنا ماوصلنّا = لو كان أغني أيام وليال وشهور
في وصفكم تعجز حروف المغنّا = من حيث ماجيلك نبي نكتب اسطور
لو قلت ماهما قلت ماتعادلنّا = حتى ولو حايز شهادات دكتور
ولو غنو الشعار أنسن وجنّا = غصبن عليهم ياقف الحرف مجبور
ديوان كامل وصفكم يملينّا= والعذر منكم كان في حرفنا أقصور
وختامها بيتين فيها أتمنّا = ترديد قول امين منكم ياجمهور
ياالله عسا كل عام فيها يتهنّا = ونعايدك ياشيخ والقلب مسرور
ويستر ملكنا ويحفظ الله وطنّا = من كل غادر راعي اللف والدور

"
"
وسلامتكم

معابده معابده
والله المعبووود

والله ومليووون نعم فيكم ياربعناااا
اهل الفعول العظامي
وانتم اهل الطيب من اول وتالي


فايز
صح لسااانك
وبيض الله وجهك
قصيده جزله ورااائعه

والله يطول بعمر الشيخ/ مغبش بن سليمان النتــــــــاف

الشاعر فايز المحيسن صح لسانك على القصيده والنعم فيكم يابن العم الغالي
والشيوخ يستاهلون المدح
ياخي هل تعرف عن الشاعر على جبير المعبدي شي اسم الاب ليسى متئكد منه شاعر محاوره كبير كان عسكري بالطائف وجاء دوره بتبوك لعب مع الشاعر رجالله المحمدي الله يرحمه ولعب مع منقره شاعر معنا من شعراء حرب لبارزين للكن اختفاء اذا تعرفه سلملي عليه وارسلي رقم جواله بالخاص

الله يبيض وجهك يابو ماجد



صح لسااانك
وبيض الله وجهك
قصيده جزله ورااائعه

والله يطول بعمر الشيخ/ مغبش بن سليمان النتــــــــاف

ونعم فيكم يابن العم
شاعرنا فايز المحيسن
صح لسانك وبيض الله وجهك
وكل عام وانت بخير يابو ماجد
احترااامي

صح السانك والنعم فا الجميع

و نعم فيكم ياعياب معبد و صح لسانك على هذه القصيدة

و يستاهل الشيخ/ مغبش النتاف المعبدي

و عساه حفل عامر دوم بوجودكم

صح لسانك مليون على القصيده
والله يعطيك العافيه
بيض الله وجهك

الاخ القديرالشاعرفايزالمحيسن

صح السانك ودام ابداعك وبيض الله وجهك

تسلم ياالذيب على هذي القصيده الشامخه الله يعطيك العافيه

كل عام وانتم باالف خير وعساكم من عواده

دمتم على الف خير

بيض الله وجهك يافايز على القصيده ومليووون كفووو ماتكفي
وعز الله يستاهل الشيخ: مغبش المعبدي
الا ونعم يامعبد رجال المر والحالي