يدوم الوطن منصور

إهداء الى الأخ الصديق العزيز/ علي ضيف الله العوفي..
أثناء مشاركته مع القوات البحريه في حربها مع الحوثيين وإلا جميع من يقرأ هذه القصيده المتواضعه..

قلوب الشعوب المسلمه ساندت جيزان= مع جنود قوات الدفاع السعوديه
سلاح الحدود وفيلق الجيش بالميدان= وقوات بحريه وقوات جويه
هدفها ترد الهايم الواهم الخسران= عدوا اليمن والمملكه لعنبوا حيه
تعدى على الجيران ماحشم الجيران= يسوقه علينا مذهبه خايب النيه
جلالة ملكنا والوزارت والأركان= قياده وشعب نثور لاثارت الهيه
تلاحم تلاحم بينا يشبه البنيان= لياأعتازنا الداعي فزعنا لداعيه
على العاز جينا هروله ياجبل دخان= مارحنا ندور فالحلول السياسيه
تقدم وقاد الجيش خالد ولد سلطان= حذف خوذته قدم الصفوف الأماميه
على عاز عبدالله نبي ندحرالعدون= فدى لو تروح الروح لرب مرضيه
ندل الدروب العوج من دون ماجلان= تحت ناضر المجهر تبين الحراميه
خيانه يخيط خيوطها بالخفى خوان= لبس خامته خمه يسمون حوثيه
غدر.. تذبح الثيران في لعبة الثيران= بحدب الحراب تموت من دون ماويه
حسب ماقريت ان الفتن بأخر الازمان= توارد علينا ذيك تمشي ورى ذيه
تزيد الأفاعي نسلها بالشهرثعبان= لياماتت الحيه طلع غيرها حيه
عسى ياعلي تبطي سنينك يابوريان= وترجع بعد نصر الحدود الجنوبيه
على والدينك تحتضنهم على الأخوان=على عائلتك اللي تحراك ليليه
يدوم الوطن منصور بذن الله الرحمن= تحت ضل ابومتعب زعيم السعوديه

وسلامتكم.............

صح لسانك مليون على القصيده
والله يعطيك العافيه
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يعطيك العافيه بيض الله وجهك

صح بدنك ..الله لايهينك

ألف شكر على مرورك..

قصيدة عصماء صح لسانك وبيض الله وجهك على هذه الوطنية وهذه القصيدة الرائعة
تقبل التحية

	المشاركة الأصلية كتبت بواسطة حسين مريع العبيدي

	قصيدة عصماء صح لسانك وبيض الله وجهك على هذه الوطنية وهذه القصيدة الرائعة تقبل التحية

صح بدنك..أخوي حسين مريع العبيدي..

أسعدني تعليقك..الله لايهينك..

صح لسانكـــــــ وبيضـــ اللـــــــــــه وجهكــــ

اللـــه يعطيكــــ العافية

لكــ خالصـــ التقدير

	المشاركة الأصلية كتبت بواسطة فواز الزويهري

	صح لسانكـــــــ وبيضـــ اللـــــــــــه وجهكــــ اللـــه يعطيكــــ العافية لكــ خالصـــ التقدير

صح بدنك أخوي فواز الزويهري..ولاهنت على المرور الجميل

الشاعر سعود

ابداع ومهما قلنا عن الوطن

لانوفيه حقه

دمت

	المشاركة الأصلية كتبت بواسطة طلال معيض

	الشاعر سعود ابداع ومهما قلنا عن الوطن لانوفيه حقه دمت

طلال معيض..لاهنت على التعليق ألف شكر لك

صح الله لسانك
ولاهنت
وسلم فكرك وبنانك
دمت برعاية الله وحفظة