لين جناب الود

ليّـن جنـاب الـود يـا ليّـن الـعـود = وألطـف و أساليـب المحبـه عديـده
خـل القسـا لاهـبّ تستاقـه الـنـود = وأحـذر بـعـد ساقـتـه تستعـيـده
بإسم الوفا و الحب و الطيـب و الجـود = الصـح عيـده و الخـطـأ لا تعـيـده
عليـك حـل الحبـل و الحبـل معقـود = تعـقّـدت روس الحـبـال الجـويـده
وراك ساكت و السمـا بـرق و رعـود = و اليـل موحـش و الهبايـب شديـده
مدري حداك الصمت و أصبحت محـدود= وألأّ أنّ صوتـك فيـه نبـره جـديـده
تنقـل كـلام شفـاك بعيونـك السـود = و في كل نظـره منـك جملـه مفيـده
كم قلت لـك مأمـون و السـد مسـدود = و الشـك زايـل و الهقـاوي بعـيـده
خوفي من أهل الرقص و النقص و الزود= و بثّي يا إذاعه و إنشـري يـا جريـده
قلبـي لهـد كبـدي و عبـرّت ملهـود = و أنته حجـر قلبـك و كبـدك حديـده
خليتني في الشعـر حـاوي و مـردود =و علقتنـي فـي بـاب بيـت القصيـده
و أزريت أغني فيك يـا باشـة الخـود = ممـا بدالـي مـا بقـالـي شـريـده
جوارحـي لرضـاك مقتـادهـا قــود = تقـول حاكمنـي بـشـرع و عقـيـده
لا شك حكم العشق مـا عنـه منشـود = و حكومـة العشّـاق ماهـي رشـيـده
أنت إعتبر ما صـار ماهـو بمقصـود = و أنا أعتبر ما صـار فرصـه سعيـدهٌ

صح السانك يا بو هليل وتقبل مروري

ولد الحصني
صح بدنك ولاهنت وسعدني مرورك