يضحك علينا بكلمة انها سياسات

.
.

الـنـاس تـسـعى لـلاجر والـعبادات
وراع الــردى يـنـفخ وراهــم ذروبـه

شين العمل ما هو محصل علاقات
يـومـن هـمـه كـيـف يـجـمع اقـروبه

مــتــولــعٍ بـالـتـقـنـيـه والــدعــايـات
الـــــي تــبــيّـن لـلـجـمـاعه اعــيـوبـه

الــغـرب زود بـالـضـماير مــاسـات
حـسبي عـليهم غـيروا فـي سـلوبه

عـصـر الـتطور بـالبلد لـه مـحطات
اثّـر عـلى نـص الـعرب في شعوبه

الـشـعـب فـيـها لاهــيٍ لا مـبـالات
مـا يـنعرف مـلح الـبحر مـن عذوبه

يضحك علينا بكلمة انها سياسات
تـخطيط كـله كـيف تـنهي الـعروبه

لاوا عـذاب الـقلب كـان الـبلا بـات
وان مـا سـلكت الدرب سموك كوبه

فـي داخـلي شـيٍ مـعاليقه أمـوات
نـــارٍ تــقـل تــزداد فـيـني شـبـوبه

يـابـوك يــا دنـيـا الـفنى والـمعانات
مــن سـمـها مـشـربك وتـقول تـوبه

يالله يــالـمـعـبـود رب الــســمــاوات
يــا مـن لـه الـمخلوق يـرتاح صـوبه

تـكـون مـعـنا فــي نـهـار الـمـهمات
حـيث الـزمن مـا يـنعرف لـون ثوبه

وايـامـنا تـمـشي بـتـوقيت وأوقــات
عـسى الـوطن تـجلا سماه العقوبه
.
.

صح لسانك واعتلا شانك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك واعتلا شانك

شاكر الجميع على التفاعل الطيّب