الالـــــــــفـــــــيه

=




















=













=
=

الفن اولف من حروفن ولايف=درت بعد مالعين جابت ذرايف
مبطي مخزنها بعوجن نحايف=تاردّ بعد ماكان فيه جفوفه
والبا بجيب احساس مبطي حواني=جريت حبله جر حبل السواني
من غبتن بالقاع حتى التواني=مربوط بااكاتفن تحزت كتوفه
والتا تسببلي بصد الحبايب=جرحن عجز طبه شوير الطبايب
وسجل على التقرير (جرح العجايب)=تلقاه باارشيفن كثيره رفوفه
والثا ثلاث ايام عفت المباتي=احاسب المحبوب بعد الشتاتي
وغير الشقا بالصد نلت الجزاتي=ويا شينه المجحود ضاعت كلوفه
والجيم جرعني كلامن قديمي=مبطي مخدرني ويجري بصميمي
له رتبت القاضي وقلبه غريمي=وان رحت والا جيت تبقى رصوفه
والحا حطيته بوسط الجفوني=واقول للعذال تارس عيوني
ولاجات بالنيات انه يخوني=ماشافني محتاس ودي بشوفه
والخا خطاي اني عطيته ميانه=وصارت مع الايام تظهر لعانه
حتى اتضح بالحال حاكم ادانه=ضدي ولا حكمي يحاكم طيوفه
والدا دفنت الشوق والسد بي باح=ماني على برج المجافين قزاح
مادام بان اللي على بيض اللواح=مافاد به راجي وخله بريوفه
والذا ذريف العين مكشوف حاله=يبكي اسى من حر حالن مضاله
مفجوع من ردت زمانن بناله=قصرن يحسبنه مطول يطوفه
والرا رموش اهل العيون الدعايج=تغري قبل تعطي كثير البهايج
ي كم من مخلوق شاف النتايج=ويطيح مايقوى يشوف الغدوفه
والزا زبنت ايام مرت عليله=كانت ولازالت ودايم عليله
صعب اتناساها لفتره طويله=تبقى ولو دارت سنينن لفوفه
والصا صدرنا بشت الوسايل=شين على تنظيم وشين تحايل
ويش اللذي خلاه بالحيل شايل=ياقو قلب اللي صعيبن وصوفه
والضا ضمان الود روح بلاشي=اللي عليه ايقنت باخذ معاشي
روح مثل غيمن سحابه رشاشي=وقلبي من الصدمات يزداد خوفه
والطا طنى حالي وفكري تشتت=مغبون والمغبون قلبه تفتت
وخلا العظام العوج غصب اتحتت=كني بسرير انعاش تصعب ظروفه
والظا ظروف وقلت يلقى جزاته=اللي فتن بالعين تفنى حياته
يحرم من اللذات حتى فمباته=محروم والسبه خطايا جروفه
والسا سلامت قلب دامي جريحي=مصيوب والمصيوب يمشي ويطيحي
خلاه راعي الجرح ينزف طريحي=حتى وصل به حال يصعب وقوفه
والشا شعور الذنب ل ابطى دفيني=صاحبه متورط وصعبن يليني
طاغي ومتكبر وحاله مشيني=منبوذ والمنبوذ كلن يعوفه
والفا فعول الناس تبقى دلايل=انكانها بالخير زين العمايل
وانكانها بالشر قبحن هزايل=اما شعاعن بان والا كسوفه
والقا قنيت الطيب والطيب غايه=ورثن توارثته مقني قنايه
من شيبته مرحوم ل الطيب رايه=بالجود مقنيها ولاهي بسيوفه
والكا كسرت الياس وربي عويني=وان شانت الغايات بكرا تزيني
واللي قسا بالامس بكرا يليني=ويظهر لنا المستور لحظه كشوفه
والميم مجلاسي ربوعن حشامي=منزالهم معروف فوق الهمامي
تلقى فعايلهم اذا الوقت حامي=تاتي بموعدها وقبل الضعوفه
والنون نفرض فرض للي تجمل=من شيمت المخلوق لازم يكمل
للي بوقت الضيق لجلك تحمل=ودك ولو كلفك عمرك تلوفه
والواو وعد الحر لازم يفيبه=لو كان متيقن بمر الغليبه
للحر عزت نفس غرزن وهيبه=ماهاب من بقعا سماها عصوفه
واللام لعيونه نسوق الطواريق=ونوثقه موزون بين التواثيق
قافي على جمله وحرفي تفاريق=والمعذره لا طال باسباب حوفه
والها هقاوينا على ماهقينا=تاتي صفا نيه على مانوينا
ذقنا وجربنا ل حتى اهتنينا=وقلبي على ما اقول دقت دفوفه
واليا يدوم الطيب بوجيه اهلها=ربي موسمهاوربي كملها
وبالطيب راعي الطيب ياخذ دبلها=ومن الذهب راعيه ننقش حروفه

[/quote]

صح لسانك الله يعطيك العافيه

	المشاركة الأصلية كتبت بواسطة ابوهليل

	صح لسانك الله يعطيك العافيه

صح بدنك ولك خالص الود

واليا يدوم الطيب بوجيه اهلها=ربي موسمهاوربي كــــــــــملها
وبالطيب راعي الطيب ياخذ دبلها=ومن الذهب راعيه ننقش حروفه






صح السانك لاهنت ولاهان منطوقك
الرااقي

	المشاركة الأصلية كتبت بواسطة الكحيلة

	واليا يدوم الطيب بوجيه اهلها=ربي موسمهاوربي كــــــــــملها وبالطيب راعي الطيب ياخذ دبلها=ومن الذهب راعيه ننقش حروفه صح السانك لاهنت ولاهان منطوقك الرااقي

صح بدنك وكلك ذوق

ابو عوض
صح لسانك

	المشاركة الأصلية كتبت بواسطة سعد المحمدي

	ابو عوض صح لسانك

ي مرحباااا وصح بدنك وعساااك سالم

تسجيل تواجد في منبر الجزاله
صح لساانكـ
بيض الله وجهك

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ بيض الله وجهك

صح بدنك وتسلم على مرورك

صح السانك والله يعطيك العافيه
تحياتي لك