من يلوم اللي يسوق القدم في كلً ريع

ياعجايب ياعجب صار سلطه للجميع = كلً يومن يرتقي للنًجوم العاليه
كلً من حاول يعدًي مع الخط السريع = اعترض دربه وحطًه بوسط الهاويه
هو حلال ولاكن احيان يشيًب بالرَضيع = ماتدخًل في شؤونه وزير وداعيه
ضيًع اللي في طريقه حكيمن مايضيع = والشًريفه بنت الاجواد صارت عاريه
من يلوم اللي يسوق القدم في كلً ريع = ومن يلوم ام العباه الغريبه الحاليه
كنً بعض الناس يشري واخر له يبيع = والبضاعه تتبع اهل الجيوب الغاليه
مصنع الانذال بالمال يصنعهم صنيع = والرًجال بدينها والمباديء ساميه
وين ذيك النفوس اللي يداويها الرًبيع = يتبعون الذًود صوب الدًيار الخاليه
طفلهم من يوم يطلع على الدنيا شجيع = شيخهم بين العرب يسمًونه داهيه
عايشين بعزً لو عاشو بوسط التًليع = مايهمً المال دام المظاهر فانيه
لو يجيهم الغني راعي الفعل الشًنيع = مايساوي صاحب الطًيب لو هو راعيه
دارت الايام وصرنا نصوًت للبقيع = جات نفسن بايعه جات نفسن شاريه
المهر سمً الدًهر ياهل الذًوق الرًفيع = يوم صارت بنتهم عندهم كالجاريه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك ودايما انت راعي الاوله اشكرك على تواجدك المستمر

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك دمت بحفظ الله

صح لسانك وسلم فكرك وبنانك

قصيده جميله من راس جزل

صح لسانك بيض الله وجهك