الكعبه برك دونها فيل

جديدي

ماعادبه شلفى ولا عادبه خيل=لاكن صك الباب من دون جارك
ياللي على الفتوى نبى منك تحليل=والعلم عنده الله ونبغى قرارك
البنت تشكي همها لرياجيل=وتقول انا ودي اسوق السدارك
ابوي شايب بس ماعادبه حيل=عنده مواعيد ٍ وشفها يسارك
وش فرق مكه عن ديار البرازيل=يوم النساء فيها عساكر تشارك
اتحل وتربط ماتعرف المعاميل=وما تنفخ وتطبخ مثل بنت دارك
والله ظلمتونا دموعي هماليل=ابي احقوقي لايطول شجارك
يابنت ياللي تسمعين الاقاويل=لحظة دقيقه قبل يكشف سمارك
تبين حريه وليلك غدا ليل=تبين رخصه والقياده منارك
طيب حسبتي لشرف والمهابيل=اللي تشطب كل يوم ٍ جدارك
طيب حسبتي للخلل والتعاطيل=من دون منفوحه وغايب نهارك
والزوج نايم مايرد المراسيل=وذياب بقعا تهتوش وتعارك
اسمعي هرجي ولاهو بتقليل=من قبل ندخل في زمان المعارك
مكه بها كعبه برك دونها الفيل=والنمسا فيها كل باطال بارك
ربي حما دينك بطير الابابيل=وانتي على دينك حذفتي حجارك
يابنت حقك فوق روس الرياجيل=خلي سفيه ٍ كل قصده دمارك

ربـــي حـمــا ديـنــك بـطـيــر الابـابـيــل

وانتـي علـى دينـك حذفتـي حـجـارك

يابنـت حـقـك فــوق روس الرياجـيـل

خـلـي سفـيـه ٍ كــل قـصـده دمـــارك


ياسلاآآآآم صح لسانك وسلم بنانك على الجزاله والطرح المفيد

ولا تحرمنا من جديدك .

صح السانك وبيض الله وجهك

شاعرنا المبدع احمد الجابري

صح لسانك مليارررررررررر

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

لاهنت وصح السانك

تقبل التقدير والاحترام

وفقك الله

صح الله لسانك
ولاهنت
وسلم فكرك وبنانك
دمت برعاية الله وحفظة

صــح لســــآنك شاعرنا احمد وبيض الله وجهك

صح لسانك وعلا شانك
تكلمت وبينت كل مافي سواقتهن من مساوئ
تقبل مروري واحترامي

صح لسانك وعلا شانك
تكلمت وبينت كل مافي سواقتهن من مساوئ
تقبل مروري واحترامي