(شتى طبوع البشر والوان)..مع الشاعر المخضرم عايش الاحمدي

ابـومـبـارك الـيـوبــي =
من قبـل لا اعـزف الالحـان=امشي علـى القـن والسايـر
سـلام جيتـك مـع البيبـان=قاصدك ماهـو علـى الطايـر
ابـوسـالــم الــرحــال =
ذا فيك معـروف مـن ازمـان=موقفـك مانتـه عنـه دايـر
يامرحبـا جيـت وآنــا الآن=ما اصد عـن مقصـد النايـر
ابـومـبـارك الـيـوبــي =
لي جار كـل مالفـى ضيفـان=يضحك على الضيـف ويعايـر
مابينهـم شوفنـي نشـبـان=اخـوك فـي وضعهـم حايـر
ابـوسـالــم الــرحــال =
شتىّ طبوع البشر والـوان=وكلاً على منهجه سايـر
مايصح غير الصحيح وكان=والبايـره سلعـة البايـر
ابومـبـارك الـيـوبـي =
المشكلـه يارفـيـع الـشـان=دمـي علـى حالتـه فـايـر
هل اهجـر الحـي يالقمـان؟=عجزت فـي وضعـه الجايـر
ابـوسـالــم الــرحــال =
هدى وسيس الأمر بتقـان=لاتاخـذك ثـورة الثايـر
العقل من يملكـه سلطـان=ولاخاب من شاور الشاير
ابـومـبـارك الـيـوبــي =
كيـف العمـل كيـف ياربـان=والجـار لضيوفـنـا غـايـر
يرمي بقـول الـزرى بهتـان=ودي اربـطــه بـالـوايـر
ابـوسـالــم الــرحــال =
كل شـى لـه قـن واستقنـان=مـا يحـوج الأمـر لمقـايـر
الطيب بين العـرب لـه شـان=بـالـذات لانـالـه الـزايـر

هذا اللحن من الالحان الملكية اللي على طريقة خذ و هات

كل غصن جابته في غصن

سلمت يا ابو مبارك و سلم ابو سالم

و صحت السنتكم و بيض الله وجيهكم

و الله يعطيك العافية

صحت السنتكم جميعا يا شعارنا الكرام
تقبلوا ودي واعجابي
دمتم بخير

لي جار كل مالفى ضيفـان = يضحك على الضيف ويعاير
,,
كل شى له قن واستقنـان = ما يحوج الأمـر لمقايـر

والواير ... توظيف رائع يارئع
أحييك يابومبارك
وأحيي العم العلم عايش
,,,,,

لحن راقي برقي أصحابه
صحت السنتكم جميعا يا شعارنا الكرام
تقبلوا ودي واعجابي
دمتم بخير