ارقى جبال العزّ والقلب مسجون.......واعود له حزّات ما ارضى وداعه

السلام عليكم ورحمة الله وبركاته
ـ
ـ
ـ
ـ
ـ
ـ
ـ

يا وجد حالي كل ماقيل مجنون=يجلس لحاله دون ربع وجماعه
ويا وجد حالي كل ماجيت مغبون=مالي على الضحكات اي إستطاعه
اسكت وسكين الصبر زادت طعون=واقفي وانا من دون ادنى قناعه
مادام حالي بالمخاليق مديون=الله يشيل الدين دامه شجاعه
شجاعتي بالدمع لا طاح مسنون=يجرح بخدي دمّ قوى المناعه
كل يوم ازيده في خفا النفس مسكون=لآني ابيح السّد ولآني ذراعه
ارقى جبال العزّ والقلب مسجون=واعود له حزّات ما ارضى وداعه
وابقى بجنب السور...لا ناس يدرون=اسمع له الدقات واطرب سماعه
ويحكي لي القصه مع طيف مزيون=عاشه من ايام الصبا والرضاعه
كانوا سوى فالدرب خالي به الكون=ما حولهم غير الربيع ومتاعه
لا صوت يسمع والفكر مابه ظنون=محدن نوى فرقا ولا به قطاعه
الكل لآهي في خويه ومفتون=يرسم تعابير الفرح كل ساعه
وفجأه بدون إنذار حوله يعزون=مات الرفيق وعظّم الله طاعه
وقامت شياطينه وشيطان ملعون=ويحكم على نفسه ضحية بشاعه
ماهمه ابن آدم ولو كان مايكون=وماهمه بنفسه ولو جفّ قاعه
دام إن غالي فارق الكون مدفون=وش حاجته بالكون...اقفى وباعه
واخذت من دمعي آواسيه بالهون=لا تزيد من حالك وترمي شراعه
شوف الغلا من شاطيء الود مصيون=إبحر ليمّه لين تلقى تلاعه
بين التلاع اللي وصفتك لها كون=تلقى غزاله وسط واحه مداعه
خذ حطها يمناك وابشر بها عون=تلقى بها نخوه وجاه وفزاعه
ثم جاوب آهاته مع الصوت تكفون=خلو طريح فراش مابه طماعه
ماعاد ينفع مهما جيتوا تسوون=دامه علاجي راح خلو نزاعه
وابطي عنه لحظات واعود للعون=واقفي ومن حاله لقيت الشناعه
همّه كبير واغلب الناس يحكون=يرمون بأدنى حرف لأقسى إشاعه
إنه كذا حاله كما قيل مجنون=يجلس لحاله دون ربع وجماعه

اخوووكم / فهد الصبحي

¨°o.O ( الشاعر فهد الصبحي) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك

وبيض الله وجهك

قصيده رائعه

تقبل مروري

صح السانك مليوووون وبيض الله وجهك على هذا الابداع الرائع بروعة حضورك الغالي

صح السانك
وبيض الله وجهك
اسجل اعجابي و تقبل مروري

صح الله بدنكم جميع

ويعطيكم الف الف عافيه على المرووور العذب......لكم مني ارق تحيه

صح السانك وسلم بيانك

على الابداع

شاعرنا المبدع/ فهد الصبحي
صح لسانك ملياررررررررر

والله على الابدع واهل الابداع

من جد قصيده جزله ونص فاخر من الطراز الرفيع
و فيه من الابداع والمتاع الشي الكثير
وايضاً من الصور الشعريه المذهله التى في غاية الروعه والجمال
وابدع في تصويرها شاعرها
وتنم عن شاعر متمكن من حروفه و احتوائه للفكره بصور الشعريه
وقادر على صياغة الابيات كيف مايشاء بسلاسه وعذوبه وتوصيل الفكره الى المتلقي

ولله درك كم ابدعت
ومافيك حيله وبيض الله وجهك
وننتظر جديدك

اخواني الغاليين كحيله وفايز المعبدي

يعطيكم الف عافيه ....وصح الله بدنكم ,,,,وتسلمون على الاطراء الجميل الذي يدل على جمال تواجدكم...

لكم مني ارق تحيه