اغني بصوت الذيب والاعب الحية

بعد نسنس الغرياف في عالي المزبان =تهيضت وأطياف الهوى في حراوية
وجاشت هجوسي والفكر ينِشد الألحان = ويرسم من أيام الهوى والهواوية
ذكرت الهنوف اللي لها حشمة لها سلطان = على قلبي الولهان روحي بها حية
حياتي بعدها غيرت كفة الميزان = ذليل الهوى مطعون والجوف به كية
رماني زماني ونجبرت افقد الخلان = اغـني بصوت الذيب والاعب الحية
كتبت الشعِرْ والحرف من دُرة المرجان= نظمت القاف لعيون المها والنداوية
أصيلة ولابتها لهم فالملاقا شان = الأمجاد طالوها نسب عز حربية
ولي وعليّه بالمودة وفا وإحسان = تصير اسرارنا فقلوبنا صفحات سرية
الا يافراقٍ جاء ولا كان فالحسبان = عليه الحسايف تلتقي كل صبحية
اداري جروحي بالمدامع وبالكتمان =عسى بالعمر لو يوم يمي لها جية
اعاني من الحرمان وتعاني الحرمان = ولاشي بِيديها ولاشي بيدية
ولو نطري النسيان يامصعب النسيان = يتوه الفكر والروح لاشك منهية
وش اللي حصل مدري ولادري وش اللي كان = ولكني ادري بالآمل عايشة بية
حروفٍ على الأوراق والشاعر بخيتان = تعبر عن شعوره والأيام مطوية
وتبقى لنا ذكرى قصيدة مع الأزمان = تداول مع العربان برموز مخفية
تبقى ولا نبقى بعد نلبس الأكفان = وذي سنة حياة الناس ودروب ممشية

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك ولاهنت

,
,
,
صح لسانك وسلم بنانك
قصيدة وافيه من وافي
بيض الله وجهك يالذيب
اتمنى لك التوفيق
اخيك ابو فياض النويمي

	المشاركة الأصلية كتبت بواسطة ابوفياض النويمي

	, , , صح لسانك وسلم بنانك قصيدة وافيه من وافي بيض الله وجهك يالذيب اتمنى لك التوفيق اخيك ابو فياض النويمي

ابو فياض

صح بدنك

طبت وطاب مرورك العطِر

صح لسانك استاذ بخيتان البشري
قصيده جزله
من شاعر جزل
اسجل اعجابي بماسطرت يا خال
لاهنت

	المشاركة الأصلية كتبت بواسطة سعودية

	صح لسانك استاذ بخيتان البشري قصيده جزله من شاعر جزل اسجل اعجابي بماسطرت يا خال لاهنت

صح بدنك ولاهنتي

بعد نسنس الغريـاف فـي عالـي المزبـان
تهيضـت وأطيـاف الهـوى فـي حراويـة
صح لسانك اخوي بخيتان
لاهنت ياغالي

	المشاركة الأصلية كتبت بواسطة عيسى العوفي

	بعد نسنس الغريـاف فـي عالـي المزبـان تهيضـت وأطيـاف الهـوى فـي حراويـة صح لسانك اخوي بخيتان لاهنت ياغالي

صح بدنك ولاهنت

وش اللي حصل مدري ولادري وش اللي كان
ولكنـي ادري بـالآمـل عايـشـة بـيـة
حـروفٍ علـى الأوراق والشاعـر بخيتـان
تعبـر عـن شعـوره والأيــام مطـويـة











صح السانك يا بخيتان



قصيده جميله جدا لا هنت على ما سطرت لينا من شعر راقي