هذاالكلام اللي يجيزالصحافه

دنيت مايقطع بعيد المسافه=مامون قطاع الفيافي اليادار
لاتله السواق والدرب شافه=كنه على أللى وجهوهها برادار
عليه نصل معزب(ن) زان قافه=قاف(ن) نغني فيه من نظم الاشعار
ملفاي قصرن كبر قصر الضيافه=واسخا من الي وبلها يسقي الدار
ماقالها الا واحد عقب ضافه=ضافه وضافنه من الشعر محار
سلام تسليم نقوم بزفافه=ازكى من الجاوي على الجمر لا دار
اعداد من صلى ببيته وطافه=لعيان حرب ومن تكلف ومن زار
يالافي بن فحيط ما انته اعرافه=من لابة(ن) في نجد يعرف لها كار
يوم المعارك والنقا والمخافه=تاريخهم معروف في ردت الثار
ردوا على بيت(ن) تهاوا ارفافه=فيه الفداويه تقل ضول زوار
وشرب الحدب من ما طرق له وعافه=ستين لحيه كل ابوهم بمحضار
ربعك حمول الخيل واهل الصلافه=من ضمن ماجابولنا قصة الجار
اللي تردد بالمجالس طرافه=يرفعبها الحربي مقامه وينزار
يتلون شيخ(ن) كم يعيش بضفافه=من هيلعين حربته تفرى الأزوار
لاعدوالشيخان وهل السيافه=نبراسهم محسن مع الوقت لودار
ولولاي اخاف القاف ياصل اسفافه=واطيل بالهرجه وبالحفل شعار
لا اخلي الايراع ينزف ارعافه=وابحر بمعرفتي ورى مدح الاخيار
يكفيني اننا من ارجال العفافه=ورادت الابيار مغليت الاسعار
السين كنز اجنيه عند الصرافه=والميم ماسٍ لآ تغير ولا بار
والمعذره والقاف واصل مطافه=يم الفحيط ومحمل العلم مقدار
يشكر بما سوى بكل احترافه=وارفع له البيضاء عنواين واشعار
هديته بين الصله واللطافه=رجل(ن) خيار ومهديله على اخيار
على شجيع(ن) مايهاب الكلافه=دون القبيله من اساميه بتار
اعضيب كلن ماتجاهل وقافه=لين الصعب نوخ على الزور منهار
هذا الكلام اللي تجيز الصحافه=والا العلوم كبار وبطونها اسرار
وارجع للافي ولا لدعواه لافه=راع العطآء راع الوفآء مكرم المار
هديته جيب(ن) شلعنا لحافه=مميزاته كامله نوع فكس ار
مده لآبن عمه ولاهي حسافه=يعطيه من خيره ويكفيه الاشرار
مدة كريم بين جود ومرافه=لعلها للافي وقايه عن النار
يفداه من ماله مجود اكتافه=خطو البخيل اللي على القرش صرار
معطا حطيم(ن) هو سبايب اهرافه=وتقول مايملك من المال دينار
وان جاد له جوده تعود ضعافه=عن مدته ليته تجمل بمعذار
محروم غير من البشع واللقافه=معطا عطا حافظ من الملك بالشآر
هذاالكلام اللي يجيزالصحافه=ولاالعلوم اكبار وبطونها اسرار

غازي الزغيبي