حر على صيد الجزيلات معتاش

البارحه مانمت ولاطابلي فراش = اورد اهجوسن لفتني معاطيش
ورد الهديد اللي من القيظ عطاش = يارد عدودً ماوطتها المطاريش
ولاوارده سبعً ولاراعي ادباش = عدً رهاوي صافين مابعد نيش
يسقي حروف الشعر ويزيدها انعاش = ويبني بيوتً غاليات المفاريش
حرفي جويد حزام متحزم كلاش = صواب رميه للهدف دوم مايطيش
حرً على صيد الجزيلات معتاش = طيرً وحش مانقلوه الدراويش
انضم بيوت الشعر واسوقها كاش = فسوق الجزاله مانجيب التناتيش
اما قصيدً يجبر اصحاب الأفلاش = اتصور حروفي بلا (واو ) تغشيش
ولاعساه يموت في داخل احواش = ويبقا مخبا في كهوف الخفافيش
راس الظبي قد قيل مافاد عراش = مايسدله جوعً ولا به عراميش
من بعدها يامرحبا عد ما شاش = راسً على درب الوفا دوم بيشيش
في ملتقى اللي جارهم بالوفا عاش = مافيهم الكاذب وارع المغاشيش
معبّد أهل الطيب حرابة الواش = فوق الأصايل ماعسّفو للأكاديش
كم معتدي جاهم وعود على ماش = يسحب وراه الذل ومّنتف الريش
ماني ردي الحظ ولاني ولد لاش = من سابق الأيام حنا هلل الجيش
جدي سعيد اللي غزى قوم الحباش = مع السعودي حررو واديً بيش
وقت الوغى واجه ولافر منحاش = وصفّو ديار المملكه من البشابيش
بقيادة الفيصل حكيمً قوي جاش = رزّ البيارق فوق حمر الطرابيش
كريم يمنا قلبه أبيض من الشاش = مثل الحياء اللي نوض برقه مراهيش
سعيد أبن ماطر عسا قبره فراش = روضه من الجنه بها طايب العيش
هذي حقيقه مابها جدال ونقاش = صوره من التاريخ ماقلتها طيش
ولاعاش راسً للوطن دوم غشاش = ياخذ رشاوي تحت بند البخاشيش
بايع ضميره مرتكيله على قشاش = يخشى ليا قالو لجان التفاتيش
جعله هشيمً معترض درب قراش = ويقتشه اللي سارحً فالمغابيش

محجوووووووووز

الف مليووووون صح السانك

وكفوووووا كفوووو يالقرررم


قلت واجزلت


دمت وسلمت


ولاعدمناك



تحيتي وتقديري

صح الله لسانك وبيض الله وجهك

	المشاركة الأصلية كتبت بواسطة محمد عبدالله البدراني

	الف مليووووون صح السانك وكفوووووا كفوووو يالقرررم قلت واجزلت دمت وسلمت ولاعدمناك تحيتي وتقديري

اخوي عبدالله
وصح بدنك ياغالي

وشكرا على المرور اللي اثلج صدري

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

صح لسانك يابو ماجد
جزله من شاعر جزل
لاهنت

صح لسانك
الله يعطيك العافيه

دمت بود

ولاعــاش راسً لـلـوطـن دوم غـشــاش .... ياخـذ رشــاوي تـحـت بـنـد البخاشـيـش


صح لسانك مليوووووون يالقرم
جزله من يمين جزله

لاهنت

صح الله لسانك
ولاهنت
وسلم فكرك وبنانك
دمت برعاية الله وحفظة